[VIDEO] ლიონელ მესიმ "ოქროს ბუცი" მოიგო!

ლიონელ მესიმ მე-5 "ოქროს ბუცი" მოიგო. ეს აბსოლუტური რეკორდია! მან გადაუსწრო კრიშტიანო რონალდოს, რომელსაც ეს ჯილდო 4-ჯერ ხვდა წილად. ესპანური ლა ლიგის 2017/18 წლების სეზონში "ბარსელონას" 31 წლის შემტევმა 34 გოლი (36 მატჩში) გაიტანა.

"რა თქმა უნდა, არ ველოდი ასეთ დიდ წარმატებას, როცა კარიერას ვიწყებდი. ჩემი პროფესიული ოცნება იყო, უბრალოდ, მიმეღწია წარმატებებისთვის ფეხბურთში. ხალისით ვშრომობ ჩემს თანაგუნდელებთან ერთად, რათა მსოფლიოს საუკეთესო გუნდი იყოს გამარჯვებული.

დიახ, "ბარსელონა" საუკეთესო გუნდია მსოფლიოში და მე მყავს მსოფლიოში საუკეთესო თანაგუნდელები. ჩემი წარმატება მათი დიდი დამსახურებაა. მადლობა ღმერთს, ფიზიკურადაც და ემოციურადაც შესანიშნავად ვგრძნობ თავს. წლები გადის და ვცდილობ, ჩემს თავზე მეტი ვიზრუნო, რადგან ფეხბურთი სულ უფრო და უფრო მეტ ენერგიას ითხოვს", - თქვა მესიმ დაჯილდოების შემდეგ.

1118
მკითხველის კომენტარები / 0 /
მსგავსი ამბები
რუბრიკის სხვა სიახლეები
;