[VIDEO] მაისურაძემ თურქეთის სახელით მოასპარეზე რევაზიშვილი დაამარცხა და კვარცხლბეკზე შედგა

თელ-ავივის ძიუდოს გრანპრიზე ბრინჯაოს მედალი მოიგო 90 წონით კატეგორიაში მოასპარეზე ლუკა მაისურაძემ. გადამწყვეტ ბრძოლაში მისი მეტოქე თურქეთის სახელით მოასპარეზე ალბაირაქი იყო, რომელიც სინამდვილეში ქართველი რევაზიშვილია.

კომენტატორებმა იხუმრეს კიდეც: ტატამზე და მის მიღმა ხუთი ადამიანია, რომელთაგან ოთხი ქართველიაო. საქმე ის არის, რომ რევაზიშვილს ირაკლი უზნაძე წვრთნის. ლუკა მაისურაძის მწვრთნელი კი ლაშა გუჯეჯიანია.

ძირითად დროში გამარჯვებული ვერ გამოვლინდა, დამატებითში ლუკამ ერთი კარგი გდება გააკეთა და ბრინჯაოს მედალი მოიგო.

გაგახსენებთ, რომ ლუკამ შეჯიბრება ყაზახი მუსაევის ძლევით დაიწყო, სემდეგ თურქი კოჩი დაამარცხა, ხოლო ბერძენ ნტანაციდისთან დამარცხდა და ბრძოლა რეპეშაჟში განაგრძო. იქ მან აქტიურად იჭიდავა რუს ტეპკაევთან და სამი გაფრთხილებით გააწითლა.

1626
მკითხველის კომენტარები / 0 /
მსგავსი ამბები
რუბრიკის სხვა სიახლეები
;