[VIDEO] მანჩესტერ სიტის გრანდიოზული შოუ გაბრიელ ჟეზუშის პოკერით

ინგლისის ლიგის თასი პირველ ნახევარფინალში "მანჩესტერ სიტიმ" გადახალისებული შემადგენლობით შინ 9:0 მოუგო "ბარტონს" და საპაუხო მატჩში კლუბის სტრუქტურაში ყველაზე პატარა ასაკობრივი გუნდიც შეუძლია გაიყვანოს...

ხუმრობა იქით იყოს და, რა თქმა უნდა, პირველი ფინალისტის ბედი გარკვეულია (მეორე ფინალისტის ბედს "ჩელსი"-"ტოტენჰემის" საპასუხო შეხვედრა გადაწყვეტს), რასაც ამხელა ანგარიში არც სჭირდებოდა. თუმცა ფეხბურთი გოლებით ფასობს და ერთ თამაშში ამდენჯერ რომ შეირხევა კარის ბადე, ამას რა სჯობს თუნდაც ნეიტრალური ქომაგისთვის, და თუნდაც ეს ერთი გუნდის შესრულებით ხდებოდეს.

გაილაღა გაბრიელ ჟეზუშმა, ვინც "პოკერით" ასიამოვნა ქვედალიგელს, დანარჩენი 5 გოლი კი კევინ დე ბრუინის, ოლექსანდრ ზინჩენკოს, ფილ ფოდენის, კაილი უოლკერისა და რიად მაჰრეზის ანგარიშზეა.

700
მკითხველის კომენტარები / 0 /
მსგავსი ამბები
რუბრიკის სხვა სიახლეები
;