[VIDEO] მაურიციო სარი ვიდეორეფერის წინააღმდეგ: აშკარა თამაშგარე და ძალიან საეჭვო პენალტი

ინგლისის ლიგის თასის პირველ ნახევარფინალში "ტოტენჰემმა" 1:0 მოუგო "ჩელსის". მატჩის ერთადერთ გოლს, რომელიც ჰარი კეინმა პენალტით გაიტანა, დიდი ამბავი მოჰყვა. აღშფოთებული იყო "არისტოკრატთა" მწვრთნელი მაურიციო სარი, რომელიც მიიჩნევდა, რომ სანამ პენალტი დაინიშნებოდა, თამაშგარე უნდა დაფიქსირებულიყო თავად კეინზე, ასევე, დიდი კითხვის ნიშნის ქვეშ იყო 11-მეტრიანის სამართლიანობა. 

არბიტრმა მაიკლ ოლივერმა პენალტი ვიდეორეფერის (VAR) გამოყენების შემდეგ დანიშნა. საინტერესოა, რომ თამაშის შემდეგ ვიდეორეფერი ორივე მწვრთნელმა გააკრიტიკა. სარიმ - ამ კონკრეტული ეპიზოდის გამო, ხოლო მაურიციო პოჩეტინომ - ზოგადად, არ მომწონსო.

ნახეთ ვიდეო და იმსჯელეთ, ვინ მართალია და ვინ - მტყუანი?

706
მკითხველის კომენტარები / 0 /
მსგავსი ამბები
რუბრიკის სხვა სიახლეები
;