[VIDEO] მერებაშვილი ორ სიმბოლურში! ქართველი პოლონეთში ისევ დაფასდა...

გიორგი მერებაშვილ პოლონეთში ისევ დააფასეს. პლოცკის "ვისლასა" და საქართველოს ნაკრების შემტევი ექსტრაკლასას 21-ტურის სიმბოლურ ნაკრებში ერთდროულად ორმა ავტორიტეტულმა გამოცემამ დაასახელა. ექსტრაკლასას რჩეულ თერთმეტ მოთამაშეს შორის 33 წლის მერებაშვილი პოლონეთში პოპულარულმა ატელეკომპანია CANAL+SPORT-ის "ტვიტერის" გვერდმა და გამოცემა "პილკა ნოჟნამ" შეიყვანეს.

საინტერესოა, რომ მიმდინარე სეზონში ორივე გამოცემამ მერებაშვილი ტურის სიმბოლურ ნაკრებში ორ-ორჯერ დაასახელა. ორივემ სიმბოლური ნაკრები 3-4-3 სათამაშო სისტემით შეადგინა, თუმცა ქართველი სხვადასხვა პოზიციაზე დააყენა. CANAL+SPORT-მა მარცხენა ფლანგის თავდამსხმელად გაამწესა, ხოლო "პილკა ნოჟნამ" - მარცხენა ნახევარმცველად.

პლოცკის "ვისლამ" საგაზაფხულო ეტაპის პირველ შეხვედრაში ექსტრაკლასას ერთ-ერთ ლიდერს, შჩეცინის "პოგონს"  უმასპინძლა. მერებაშვილი ძირითად შემადგენლობაში იყო და შეუცვლელად ითამაშა. მან ანგარიში მე-9 წუთზე გახსნა, ხოლო 72-ე წუთზე ქართველის  მშვენიერი გადაცემით კარის წინ მარტო დარჩენილმა იაკუბ რეჟნიჩაკმა პლოცკელთა უპირატესობა ორამდე გაზარდა. ამის შემდეგ მასპინძლებმა, გაუგებარი დაუდევრობით, იმდენი მოახერხეს, ზუსტად ექვს წუთში 3(!) გოლი გაუშვეს და 2:3 წააგეს.

21 ტურის შემდეგ, მერებაშვილის გუნდმა 30 ქულა დააგროვა და მე-8 ადგილზეა, რაც პლოცკელებს საჩემპიონო ჯგუფში მოხვედრის იმედს უტოვებს.

267
მკითხველის კომენტარები / 0 /
მსგავსი ამბები
რუბრიკის სხვა სიახლეები
;