[VIDEO მიმოხილვა] არგენტინა მოჯაოდოებულ წრეში. მესი, აგუერო... ესეც არ არის საკმარისი... არ ვიცით, რა  ფეხბურთს  ვთამაშობთ...

A ჯგუფი

ბრაზილია-ბოლივია 3:0 
გოლები: 1:0 კოუტინიო (50-პენ), 2:0 კოუტინიო (53), 3:0 ევერტონი (85)
ბრაზილია (4-3-3): ალისონი - დანი ალვეში, ტიაგო სილვა, მარკინიუში, ფილიპე ლუიში - კაზემირო, ფერნანდინიო, კოუტინიო - ფირმინო (65. გაბრიელ ჟეზუში), ნერეში (81. ევერტონი), რიჩარლისონი (84. ვილიანი).
ბოლივია (4-4-1-1): ლამპე - დიეგო ბეხარანო, აკინი, ხუსინო, მარვინ ბეხარანო - საავედრა (64. ვაკა), ხუსტინიანო, საუსედო (59. ვაიარი), კუმასერო - კასტრო (75. რამალიო) - მარტინს მორენო.

ვენესუელა-პერუ 0:0 
ვენესუელა (4-3-2-1): ფარინესი - როსალესი, კანსელორი, ვილანუევა, მაგო - მორენო (78. ერნანდესი), რინკონი, ერერა - მურილო (84. სოტელდო), კინტერო (69. მაჩისი) - რონდონი
პერუ (4-2-3-1): გალესი - ადვინკულა, სამბრანო, აბრამი, ტრაუკო - ტაპია, იოტუნი (67. პოლო) - ფარფანი, კუევა (46. ფლორესი), გონსალესი (88. კარილიო) - გერერო

B ჯგუფი

არგენტინა-კოლუმბია 0:2 
გოლები: 0:1 რ. მარტინესი (71), 0:2 დ. საპატა (86)
არგენტინა (4-3-3): არმანი - სარავია, პეცელა, ოტამენდი, ტალიაფიკო - პარედესი, როდრიგესი (67. პისარო), ლო სელსო - მესი, აგუერო (79. სუარესი), დი მარია (46. დე პაული)
კოლუმბია (4-2-3-1): ოსპინა - მედინა, მინა, დავინსონ სანჩესი, ტესილიო - ბარიოსი, ურიბე - კუადრადო (64. ლერმა), ხამეს როდრიგესი, მურიელი (14. რ. მარტინესი) - ფალკაო (81. დ. საპატა)

პარაგვაი-ყატარი 2:2
გოლები: 1:0 ო. კარდოსო (4-პენ), 2:0 დ. გონსალესი (56), 2:1 ალმოესი (68), 2:2 ხუხი (77)
პარაგვაი (4-2-3-1): ფერნანდესი - ვალდესი, ალონსო, ბალბუენა, არსამედია - ორტისი, როხასი (79. რ. სანჩესი) - პერესი (46. დ. გონსალესი), ალმირონი, დომინგესი (83. იტურბე) - ო. კარდოსო.
ყატარი (4-3-3): ალ შეები - ალ რავი, კორეია, ჰასანი, ხუხი - სალმანი, ჰათიმი (88. ბუდიაფი), ალ ჰაიდოსი - მადიბო, აფიფი, ალმოესი.

“კოპა ამერიკა” ფავორიტისა და მასპინძლის, ბრაზილიის ნაკრების ზეობით დაიწყო. ტიტეს გაწვრთნილმა გუნდმა პირველ ტაიმში ვერაფერი მოუხერხა ძირითადად საკუთარ საჯარიმოსთან გამაგრებულ ბოლივიას, მაგრამ მეორე ნახევარში 3 უპასუხო გოლი შეუგდო.

დუბლით გამოირჩა ფელიპე კოუტინიო, ვისაც “ბარსელონაში” კარგი სეზონი არ ჰქონდა. ბოლოს კი გაიტანა შეცვლაზე შესულმა ევერტონმა. მისი გოლი ძალიან ლამაზი გამოვიდა და საერთოდაც, ქართველმა ქომაგმა ამ თამაშის ცქერით ღამისთევა ალბათ არ ინანა...

ტურნირის მეორე შეხვედრაში ვენესუელა და პერუ უგოლოდ დაშორდნენ ერთმანეთს. თამაში დიდი ვერაფერი გამოვიდა. პერუ მეტოქეზე უკეთესი იყო, ორი გოლი შეაგდო, მაგრამ ორივე მსაჯმა გაუუქმა. ვენესუელასაც ჰქონდა შანსები, მაგრამ დამაგვირგვინებელ ფაზაში სოლომონ რონდონმა და მისმა პარტნიორებმა ვერ ივარგეს.

არგენტინის ნაკრებმა კი, მაინც ბევრისთვის მოულოდნელად, სასტარტო შეხვედრა წააგო კოლუმბიასთან. მთელი მატჩის განმავლობაში მხოლოდ “სტანდარტიდან” ისწორებდა მიზანს ლიონელ მესი... 

“ალბისელესტემ” უსისტემოდ და უღიმღამოდ ითამაშა. სასწაული შეცვლები აკეთა ლიონელ სკალონიმ, ვინც, ანგარიშში ჩამორჩენის მიუხედავად, მინდორზე გასვლა არ აღირსა ლაუტარო მარტინესსა და პაულო დიბალას. ბოლოს კი მართალი თქვა - არ ვიცით, რა ფეხბურთს ვთამაშობთო.

კოლუმბიამ მეტოქე მეორე ტაიმში გატეხა. ჯერ როხერ მარტინესმა შეასრიალა ბურთი არგენტინელთა კარში, მერე კი შეცვლაზე შესულმა დუვან საპატამაც (ვინც ძალიან კარგი სეზონი ჩაატარა სერია A-ში “ატალანტასთან” ერთად) იყოჩაღა.

ყოველდღიური სპორტული გაზეთი "ლელო"
4204
მკითხველის კომენტარები / 3 /
იმერელი
0
არგენტინას ღუპავს ფედერაცია და უაზრო მწვრთნელები
კიკო
0
მაგარი უჯიგრო კაცია ეს თქვენი მესი.ამ ვიდეოში საერთოდ არ უხსენებიათ.
მსგავსი ამბები
რუბრიკის სხვა სიახლეები
;