[VIDEO] მოლუOK! მფრინავმა ანტეტოკუნმპომ ბაქსი NBA-ს ფინალს მიუახლოვა

აღმოსავლეთის ფინალური სერიის მეორე მატჩი იანის ანტენტოკუნმპომ ჩატენვით დაიწყო, მომდევნო ეპიზოდში მარკ გასოლს დაუფარა, შემდეგ კიდევ ერთი ჩატენა და თავიდანვე გამოჩნდა, რომ "მილუოკისა" და მისი ლიდერს გაჩერება იმ დღეს შეუძლებელი იქნებოდა. "ბაქსი" ერთხელაც არ ყოფილა მდევრის როლში მთელი 48 წუთის განმავლობაში.

ანტენტოკუნმპომ 30 ქულა და 17 მოხსნა დააგროვა, სათადარიგო ტრიომ ილიასოვას (17 ქულა), ბროგდონისა (14) და ჰილის (13) შემადგენლობით 44 ქულა აიღო, სულ კი მასპინძლებში ექვსმა კალათბურთელმა დააგროვა მინიმუმ 10 ქულა.

"მილუოკიმ" ისევ დაჩაგრა "ტორონტო" ფარქვეშ ბრძოლაში. პირველ მატჩში მასპინძლებმა 60:46 მოიგეს მოხსნებში, მეორეში - 53:40. ამასთან, "ბაქსმა" მხოლოდ შვიდი შეცდომა დაუშვა. მატჩში მაქსიმალურმა სხვაობამ 28 ქულა შეადგინა.

"ტორონტომ" ერთხელ კინაღამ დაუბრუნა ინტრიგა შეხვედრას, როცა მესამე მეოთხედის ცხრაწუთიანი მონაკვეთი 31:16 მოიგო და სხვაობა 13 ქულამდე შეამცირა (70:83), მაგრამ მასპინძლებმა ბროგდონისა და ჰილის მონდომებით დააბრუნეს კომფორტული უპირატესობა.

შემდეგი ორი მატჩი ტორონტოში გაიმართება. "მილუოკის" ორი მოგება აკლია ბოლო 45 წელიწადში პირველ ფინალამდე.



ფაქტები
* "ტორონტოს" ამ სეზონში პირველად ჰქონდა პირველი ტაიმის შემდეგ 25-ქულიანი ჩამორჩენა.
* "მილუოკი" მე-16 გუნდია ისტორიაში, რომელმაც პლეი ოფის პირველი 11 შეხვედრიდან 10 მოიგო. მხოლოდ სამმა გუნდმა - "ლეიკერსმა" (1989), "ლეიკერსმა" (2001) და "გოლდენ სტეიტმა" (2017) დაიწყეს პლეი ოფის 11-დან 11 მოგებით.
* "ტორონტოს" ისტორიაში 63-დან 63 მატჩი აქვს წაგებული, როცა პირველი ტაიმის შემდეგ 20 ან მეტ ქულას აგებდა.
* "მილუოკიმ" სეზონში 70-ე მატჩი მოიგო. ეს მეორე შედეგია კლუბის ისტორიაში. 1970-71 წლების სეზონში 78 მოგება ჰქონდა.
* "მილუოკის" პლეი ოფში ზედიზედ ექვსი მოგება აქვს, რაც საკლუბო რეკორდის გამეორებაა.

მილუოკი-ტორონტო 125:103
35:21, 29:18, 31:39, 30:25
მ: ანტენტოკუნმპო (30+17 მოხსნა+5 პასი), მიროტიჩი (15+6 მოხსნა), მიდლტონი (12), ბლედსოუ (8+7 პასი), ლოპესი (6) - სასტარტო; ილიასოვა (17), ბროგდონი (14+5 პასი), ჰილი (13), ბრაუნი (5), კონაუტონი (3), უილსონი (2).
ტ: ლეონარდი (31+8 მოხსნა), ლაური (15), გრინი (8), სიაკამი (8), მ. გასოლი (2) - სასტარტო; პაუელი (14), იბაკა (8+10 მოხსნა), ვანვლიტი (5), მიქსი (5), ბუშე (5), მილერი (2).
სერია: 2-0

928
მკითხველის კომენტარები / 0 /
მსგავსი ამბები
რუბრიკის სხვა სიახლეები
;