[VIDEO] ოთარ გაბელია: ბელარუსს კლასით ვჯობივართ, მათი პლუსი ფიზიკური მომზადება და სტანდარტულებია... გადამეტებული აჟიოტაჟი დაუშვებელია!..

ოთარ გაბელიამ ერთა ლიგის ნახევარფინალში საქართველოსა და ბელარუსის ნაკრებთა მოახლოებულ მატჩზე ილაპარაკა, რომელიც 26 მარტს თბილისში, "დინამო არენაზე" გაიმართება. ლეგენდარულმა მეკარემ საქართველოს პირველი არხის გადაცემა "ტაიმ აუტში" თქვა, რომ ამ მატჩისადმი დიდი ინტერესი ბუნებრივია, თუმცა მაგრამ გულშემატკივარს მოუწოდა, ზედმეტ აჟიოტაჟს მოერიდოს...

"ევროპის ჩემპიონატზე მოხვედრის ასეთი შანსი, შესაძლოა, აღარ გაგვიჩნდეს. ინტერესი აბსოლუტურად გასაგებია, მაგრამ ბელარუსთან მატჩზე ასეთი აზრი მაქვს - გადამეტებული აჟიოტაჟი დაუშვებელია. ასევე ნაადრევია იმის მტკიცება და ლაპარაკი, რომ უკვე (ერთა ლიგის ფინალში) გასულები ვართ. ასეთი მიდგომ ძალიან ცუდ როლს ითამაშებს. უპირველესად, ჩვენ ახლა მხოლოდ ბელარუსთან შეხვედრაზე უნდა ვიფიქროთ და იმდია, მეორე მატჩსაც ჩავატარებთ", - ამბობს ოთარ გაბელია.

"ოქროს თაობის" "დინამოს" მეკარე საქართველოს ნაკრების ფეხბურთელებს ერთა ლიგის ნახევარფინალში ბელარუსთან მაქსიმალურ მობილიზაციას ურჩევს:

"წინასწარ არაფრით არ შეიძლება დამშვიდება. ამის შესახებ კარგად მახსენდება ნოდარ ახალკაცის მიდგომა - ის ხომ ძალიან განათლებული ადამიანი, კარგი ორგანიზატორიც იყო, ფსიქოლოგიც და მედიცინაშიც კარგად ერკვეოდა. იცოდა, რომელ ფეხბურთელთან და მთლიანად, გუნდთან რა ეთქვა. დანიაში "კოპენჰაგენთან" უნდა გვეთამაშა. მატჩის წინ მეტოქის ერთ-ერთი თამაშის ჩანაწერი ჩართო და მათი ფეხბურთელების დახასიათება დაიწყო.

ჩამოთვალა გერმანული კლუბები - ესა და ეს მოთამაშე "ბაიერნს" მიჰყავს, ის კიდევ "აინტრახტსო" და ასე შემდეგ... მოკლედ, ძლიერი ფეხბურთელები ჰყავო... ამ დროს, ვიდეო გამოირთო და ჩანაწერი ვეღარ ვნახეთ. თურმე, ეს ჩანაწერი შეგნებულად არ გვაჩვენა. სინამდვილეში, "კოპენჰაგენი" ძლიერი მეტოქე არ იყო და იფიქრა, რომ შეიძლებოდა, მოვდუნებულიყავით.

თუ მოდუნებული ხარ, შეიძლება სუსტ მეტოქესთანაც წააგო. ჩვენ სეთი შეფუცხუნებულები გავედით მოედანზე, დანიელები მათსავე მოედანზე 4:1 დავამარცხეთ. ამას რატო ვამბობ -  ბელარუსის ნაკრებმა ახლა ორი ამხანაგური შეხვედრა ჩაატარა და ორივე მოიგო. ჩემი აზრით, მეტოქეს კლასით და ფეხბურთელების ინდივიდუალიზმით ვჯობივართ. მაგრამ ამ გუნდის დიდი პლუსი ფიზიკური მომზადება და "სტანდარტულებია". ისინი აუცილებლად "მეორე ნომრად" ითამაშებენ და თავის შანსს დაელოდებიან. ამიტომ, ჩვენს მოთამაშეებს ძალიან დიდი კონცენტრაცია დასჭიდებათ. მთავარია, ჩვენი ფეხბურთელები ჯანმრთელად იყვნენ და მატჩს ნორმალურ ფორმაში შეხვდნენ", - ამბობს "დინამოს" ვეტერანი მეკარე.

გადაცემის თანაწამყვანმა, "დინამოს" ლეგენდარულმა თავდამსხმელმა ლადიმერ გუცაევმა კი იმედი გამოთქვა, რომ "დინამო-არენაზე" ნოდარ ახალკაცის ძეგლს დადგამენ: "ნოდარ ახალკაცი მსოფლიო დონის მწვრთნელი იყო. მან ბევრი ნიჭიერი ახალგაზრდა დააწინაურა. ვალერი ლობანოვსკისთვის გუნდის აშენება გაცილებით ადვილი იყო, უკრაინას საბჭოთა ჩემპიონატში ბევრი გუნდი ჰყავდა და როგორც კი ნებისმიერ სასურველ მოთამაშეს ხელს დაადებდა, მაშინვე აიყვანდა კიევის "დინამოში".

ახალკაცს კი სადან მოჰყავდა? აფხაზეთიდან, ქუთაისიდან, სამეგრელოდან, აჭარიდან... თანაც, ბავშვები მოჰყავდა, ნელ-ნელა რომ გაეზარდა. 1982 წელს თასების თასის ნახევარფინალში ისევ გავედით და საბჭოთა კავშირის ნაკრებში ჩვენი 6 კაცი იყო გამოძახებული, ახალკაცი კი ნაკრებს ესპანურ შეკრებაზე ახლდა და ამან "დინამოზე" ცუდი გავლენა მოახდინა.

თორემ დარწმუნებული ვარ, ნახევარფინალში ლიეჟის "სტანდარდთან" მოგება შეგევძლო. სამწუხაროა, რომ საქართელოში ამ გენიალური ადამიანის მხოლოდ ერთი ბიუსტია, ისიც ნახალოვკაში, მის მშობლიურ მე-9 სკოლაში. ამ დროს, კიევის სტადიონზე ლობანოვსკის ძეგლი დაუდგეს. ვერავის დავაძალებ, მაგრამ იქნებ ვინმემ ითავოს და  "დინამო-არენაზე" ძეგლი დავუდგათ ამ ადამიანს, რომ სტადიონზე სულმა ხალხ დაინახოს - ჩვენ პატივს ვცემთ პიროვნებას, რომელმაც ქართულ ფეხბურთში მთელი ეპოქა შექმნა".

3268
მკითხველის კომენტარები / 3 /
მმ
1
არ ᲨეიᲫლება იმის Თქმა რომ მეტი Შანსი არ გვექნება...Შანსი გვექნება ყოველᲗვის Თუ სწორად და მიზანმიმარᲗულად დავისახავᲗ ფეხბურᲗის განვიᲗარებას ბავᲨვებᲨი და არ იქნება ნეპოტიზმი დაᲩაგვრა და ასე Შემდეგ გავაგრᲫელო Თუ Თქვენ იტყვიᲗ დანარᲩენს...
უპატრონო ბავᲨი იᲩაგრება და მოდიან ის Თაობა ვინც ნეპოტიზმᲨია....პლიუს ფული უნდა დაიხარჯოს მომავალ Თაობაზე და ასე Შემდეგ...ამის მერე ყოველᲗვის გვექნება გასვლის Შანსი
უჩა
0
არა მარტო ახალკაცს უნდა დააუდგან ძეგლი!გუცაევის,გაბელიას,დარასელიას,შენგელიას ,სულაქველიძის ,ყიფიანის და.ა.შ. ქუჩები მაინც არ უნდა იყოს თბილისში?! სიცოცხლეშივე დავაფასოდ ეს ხალხი ვინც ამხელა სიარული მოუტანა ქართველ ხალხს!
მსგავსი ამბები
რუბრიკის სხვა სიახლეები
;