[VIDEO] პრემიერლიგა. ბენიტესმა გვარდიოლა დააჩოქა, სულშერი ბარნლისთან გაჩერდა, ფულჰემის სასწაული შემობრუნება

სამშაბათის მატჩები ძალიან საინტერესო გამოდგა. მეტიც - შესაძლოა, ნიუკასლის "სენტ ჯეიმს პარკზე" დაფიქსირებული შედეგი საეტაპოც აღმოჩნდეს ამ სეზონისთვის - პეპ გვარდიოლას "მანჩესტერ სიტი" რაფა ბენიტესის "კაჭკაჭებთან" წაიქცა და დღეს "ლივერპულმა" "ლესტერს" რომ მოუგოს, ლიდერსა და მდევარს შორის სხვაობა 7 ქულა გახდება.

ვინ იცის, ეგებ ეს სხვაობა გადამწყვეტიც აღმოჩნდეს ტიტულისთვის ბრძოლაში. ასე რომ, ახლა იურგენ კლოპმა იცის და მისმა მარიფათმა...

კინაღამ დამარცხდა მეორე მანჩესტერული გრანდიც. ეს იყო ოლე გუნარ სულშერის მე-9 მატჩი (ყველა ტურნირის ჩათვლით) "იუნაიტედის" მწვრთნელის პოსტზე და პირველი ფეხის დაცდენა...

სასწაული ამბები ხდებოდა ფულჰემის "ქრივენ ქოთიჯზე". შეიძლება ითქვას, კლაუდიო რანიერის ხელი უკვე ნამდვილად დაეტყო ერთ-ერთ აუტსაიდერს - აგებდა რა 0:2-ს პირველ ტაიმში, მეორე ნახევარში "ფულჰემმა" 4 უპასუხო გოლი გაუტანა "თოლიებს" და უაღრესად საჭირო 3 ქულა მოიპოვა.

515
მკითხველის კომენტარები / 0 /
მსგავსი ამბები
რუბრიკის სხვა სიახლეები
;