[VIDEO] პრემიერლიგა. რას აკეთებს ტოტენჰემი? ორი გაძევება, მარცხი და ქაოსი ბორნმუთში

"ტოტენჰემის" თავს რაღაც ხდება. რა თქმა უნდა, გასათვალისწინებელია წამყვანი ფეხბურთელების ტრავმები, მაგრამ ზედიზედ 6 საგარეო მარცხი წარმოუდგენელი ფიასკოა მაურისიო პოჩეტინოს გუნდისთვის, რომელმაც ოთხეულში მოხვედრის შანსი შეიძლება ხელიდან გაუშვას.

ერთი შეხედვით, შეიძლება იფიქრო, რომ "მამლები" მთლიანად ჩემპიონთა ლიგის ნახევარფინალზე არიან გადართულები, მაგრამ იქაც ცუდად მისდით საქმე. ეს ძალიან ჰგავს სიტუაციას, როცა ამ მწვრთნელს და ფეხბურთელებს ერთმანეთი მოჰბეზრდათ და დროა დაშორდნენ ერთმანეთს. ალბათ, ეს ყველაფერი შეგნებულად არ ხდება, მაგრამ ჩანს, ქვეცნობიერი გრძნობები გაბატონდნენ. რაღაცნაირად გაღიზიანებულები არიან ფეხბურთელები...

"ტოტენჰემმა" წააგო "ბორნმუთში", თან ისე, რომ ორი ფეხბურთელი გაუძევეს. 125 წამი დასჭირდა არგენტინელ ხუან ფოიტს, არბიტრისგან წითელი ბარათი რომ ეხილა. ეს მოხდა მეორე ტაიმის დასაწყისში, პირველი ტაიმის ბოლოს კი არასპორტული საქციელისთვის გააძევეს ჰიუნ-მინ სონი. წარმოიდგინეთ, ამ სიტუაციაშიც კი "ტოტენჰემმა" სასწაულით გაძლო პირველ დამატებით წუთამდე, როცა ნათან აკემ გამარჯვების გოლი გაიტანა და "ბორნმუთს" მოაგებინა.

778
მკითხველის კომენტარები / 0 /
მსგავსი ამბები
რუბრიკის სხვა სიახლეები
;