[VIDEO] პრემიერლიგა. რა უთხრა ამისთანა გვარდიოლამ სტერლინგს?! ტოტენჰემს წმინდანებმა შემოუტრიალეს...

"მანჩესტერ სიტისა" და "უოტფორდის" მატჩი 3:1 დასრულდა და იქცა რაჰიმ სტერლინგის ბენეფისად. არ ვიცით, რა უთხრა ამისთანა პეპ გვარდიოლამ შესვენებისას, მაგრამ ფაქტია - მეორე ტაიმის საწყის 13-წუთიან მონაკვეთში სტერლინგმა სამჯერ აიღო "უოტფორდის" კარი და უგოლო პირველი ტაიმის შემდეგ პრაქტიკულად გადაწყვიტა თამაშის ბედი. სტერლინგის მესამე გოლი იყო 150-ე "მანჩესტერ სიტისთვის" გვარდიოლას მწვრთნელობის პერიოდში.

შაბათის სხვა მატჩებიდან აღსანიშნავია "ტოტენჰემის" მარცხი (1:2) "საუთჰემპტონთან", არადა, პირველი ტაიმის შემდეგ "მამლები" ჰარი კეინის გოლით იგებდნენ. დრამატულად წარიმართა კიდევ ერთი მატჩი - რაფა ბენიტესის "ნიუკასლი" პირველი ტაიმის შემდეგ 0:2-ს აგებდა "ევერტონთან", თუმცა შესვენების შემდეგ ლივერპულელებს 3 უპასუხო გოლი გაუტანა 3 ქულაც გაიფორმა. 

971
მკითხველის კომენტარები / 0 /
მსგავსი ამბები
რუბრიკის სხვა სიახლეები
;