[VIDEO] რაგბი. მსოფლიოს თასი 2019. უელსურ-ფრანგული თრილერი და იაპონიის კაპიტულაცია. ნახევარფინალი დაკომპლექტდა

როგორც მოსალოდნელი იყო, უელსისა და საფრანგეთის რკენა უაღრესად დრამატული და საინტერესო გამოდგა, ისევე, როგორც ამ გუნდებს შორის "6 ერის" ბოლო დაპირისპირებები. 

უელსმა ბოლო 9-დან მე-8 ბრძოლა მოუგო საფრანგეთს, რომელიც მეორე ტაიმის დასაწყისში 14 კაცით დარჩა. არადა, ფრანგებმა 19-ვე ქულა პირველ ტაიმში მოაგროვეს, 3 ლელოსა და 2 გარდასახვის წყალობით იგებდნენ (19:10) კიდეც, მაგრამ...

...მეორე ტაიმში უელსმა იძალა, რიცხობრივი უპირატესობა გამოიყენა და 20:19 გაიმარჯვა.

ბოლო მეოთხედფინალში მსოფლიოს ჩემპიონატი მასპინძელი იაპონიის წარმატებული სვლა სამხრეთაფრიკელებმა შეაჩერეს. მოსალოდნელი იყო, რომ შოტლანდიასა და ირლანდიასთან გამარჯვებების შემდეგ იაპონელები მესამე დიდ მატჩს ვეღარ გაქაჩავდნენ.

ასეც მოხდა - მსოფლიოს ორგზის ჩემპიონებმა მეორე ტაიმი 21:0 მოიგეს, საბოლოოდ კი 26:3 გაიმარჯვეს და ნახევარფინალში გავიდნენ.

ამრიგად, ნახევარფინალში შეხვდებიან: 26 ოქტომბერი: ინგლისი-ახ. ზელანდია 12:00; 27 ოქტომბერი: უელსი-სამხ. აფრიკა 13:00.

1251
მკითხველის კომენტარები / 0 /
მსგავსი ამბები
რუბრიკის სხვა სიახლეები
;