[VIDEO] რას ნიშნავდა ზაზა ფაჩულია გოლდენ სტეიტისთვის? - წავიდა და NBA ტორონტომ მოიგო

"ტორონტო რეპტორზი" თავისი არსებობის ისტორიაში პირველად გახდა NBA-ის ჩემპიონი. სასწაული არ მოხდა - კევინ დურანტის ტრავმით დასუსტებულმა ზაზა ფაჩულიას ყოფილმა გუნდმა "გოლდენ სტეიტმა" ვერ შეძლო ფინალური სერიის მეშვიდე მატჩამდე მიყვანა.

სავარაუდოდ, მეექვსე მატჩის ბედი მაშინ გადაწყდა, როცა მესამე მეოთხედის ბოლოსკენ მუხლის ტრავმა მიიღო კლეი ტომპსონმა და მეოთხე მეოთხედში მოედანზე აღარ გასულა. არადა, ის ორივე გუნდის შემადგენლობაში ყველაზე შედეგიანი იყო.

თამაში "ტორონტომ" უკეთ დაიწყო - 11:2 გაქცევა მოაწყო. ამ სპურტისას რვა ქულა აიღო კაილ ლაურიმ, რომელიც სტუმრების რიგებში საუკეთესო იყო. თუმცა, "გოლდენ სტეიტმა" პირველივე მეოთხედში მოახერხა მეტოქის დაწევაც და წინ გასვლაც და ამის შემდეგ, თითქმის მთელი მატჩი ქულა ქულაში მიდიოდა - ლიდერი თამაშში 18-ჯერ შეიცვალა.

მეოთხე მეოთხედში იყო მომენტი, როცა მასპინძლები ექვსი ქულით გავიდნენ წინ, თუმცა "ტორონტომ" ამას 9:1 გაქცევით უპასუხა და ბოლომდე ლიდერობა ხელიდან აღარ გაუშვა. თამაში კი მაშინ დასრულდა, როცა ბოლო წამებზე 110:111-ზე სტეფ კარიმ სამქულიანი ააცილა. "გოლდენ სტეიტის" ლიდერმა 21 ქულით დაასრულა შეხვედრა - 17-დან მხოლოდ ექვსი ტყორცნა ჩააგდო და 11-დან რვა სამქულიანი ააცილა.

მატჩის შემდეგ, ფინალური სერიის MVP-ის პრიზი კავაი ლეონარდს გადასცეს, რომლის გადაბირებაც გასული წლის ზაფხულში გახდა საჩემპიონო გუნდის შექმნის საწინდარი. ახლა, "ტორონტომ" მაქსიმალურად უნდა იზრუნოს ამ კალათბურთელის შეძენაზე.



გ. სტეიტი-ტორონტო 110:114
32:33, 25:27, 31:26, 22:28
გ-ს: ტომპსონი (30), იგუოდალა (22), კარი (21+7 პასი), დრეიმონდ გრინი (11+19 მოხსნა+13 პასი+3 ჩაჭრა), ლუნი (6) - სასტარტო; კაზინსი (12), ლივინგსტონი (6), კუკი (2).
ტ: ლაური (26+7 მოხსნა+10 პასი+3 ჩაჭრა), სიაკამი (26+10 მოხსნა), ლეონარდი (22+6 მოხსნა), მ. გასოლი (3+9 მოხსნა+ 4 პასი), დენი გრინი (0+3 პასი) - სასტარტო; ვანვლიტი (22), იბაკა (15).
სერია: 2-4

6006
მკითხველის კომენტარები / 5 /
aburjga
0
არ მეგონა თუ დემარკუს კაზინსი ასე უმნიშვნელო როლს დასჯერდებოდა გოლდენ სტეიტში?! არ ვამბობ, რომ დემარკუსზე უფრო მაგარია, მაგრამ ზაზა ნამდვილად უფრო სასარგებლო იყო!
შოდა
0
ზაზა ყველას უყვარს, თქვენ იმდენს იზამთ, რომ ყველას შეაძულებთ თქვენი უსამართლო შეფასებებით! იქნებ ეგ გინდათ?
მსგავსი ამბები
რუბრიკის სხვა სიახლეები
;