[VIDEO] რატომ ვერ იჭიდავა გენო პეტრიაშვილმა ევროპის ჩემპიონატის ფინალში სრული ძალით?

მოუთმენლად ველოდით ევროპის ჩემპიონატზე თავისუფალი სტილით მოჭიდავეთა შორის გენო პეტრიაშვილის გამოსვლას ფინალში. აქამდე ვერცხლისა და ბრინჯაოს მედლები უხვად ავიღეთ, გვაკლდა მხოლოდ ოქრო.

გენო თურქ ტახან აკგულს შეხვდა, რომელიც აქამდეც დაუმარცხებია, მაგრამ ამჯერად 0:7 დათმო და ევროპის ჩემპიონატზე ვერცხლს დასჯერდა.

შეხვედრის მსვლელობისას გორელმა ფალავანმა რამდენჯერმე მოიკიდა ხელი შეხვეულ მუხლზე. წაგების მიზეზიც სწორედ ტრავმა უნდა ყოფილიყო. 

პეტრიაშვილმა ბულგარეთის ტურნირის მეოთხედფინალში იტკინა ფეხი და ნახევარფინალში საჭიდაოდ აღარ გავიდა, რადგან თავი ევროპის ჩემპიონატისთვის შემოენახა.

შემოინახა კიდეც, ფინალამდე მიაღწია, მაგრამ გადამწყვეტ ბრძოლაში, უმთავრესად ტრავმის გამო მომგებიანი ილეთის განხორციელება ვერ მოახერხა.

3778
მკითხველის კომენტარები / 0 /
მსგავსი ამბები
რუბრიკის სხვა სიახლეები
;