[VIDEO] რა გინდოდა ჟოზე რუსულ ყინულზე?! მოურინიო ჰოკეის მოედანზე გაიშხლართა

ამასწინათ, ჟოზე მოურინიო რუსეთში ჰოკეის მატჩზე დაპატიჟეს. ეს თავადაც თქვა ერთ-ერთ ინტერვიუში, მაგრამ არ უთქვამს ის, რასაც დიდი ხმაური და რუსული მედიის "ჰედლაინებში" მოხვედრა მოჰყვა (თითქოს, ესღა აკლდა!).

"მანჩესტერ იუნაიტედიდან" ახლახან წასული პორტუგალიელი სპეციალისტი ჯერჯერობით უმუშევარია, მაგრამ სახლში როდია გამოკეტილი, არც დეპრესია აქვს და არც - "ზაპოი". აგერ, ომსკის "ავანგარდმა" სტუმრად მიიწვია და ჰოკეის მატჩში შაიბის თამაშში შეყვანის პატივი არგუნა, თუმცა... 

წითელ ხალიჩაზე გასულმა ჟოზემ შაიბა თამაშში წარმატებით კი შეიყვანა, მაგრამ გატრიალდა თუ არა, ფეხი მოუცურდა და ყინულზე გაიშხლართა. ყინულზე დაცემა არაპროფესიონალისთვის ძალიან სახიფათოა. შეიძლება, ჟოზე სპეციალურად გააფრთხილეს, ამეცადინეს კიდეც... ფაქტია, ხალიჩაც დაუგეს... ვერ უშველა კია, მაგრამ საბედნიეროდ, ტრავმას გადაურჩა.

ამიტომ, სადაც შენი საქმე არ არის... ისე, არც ჩვენი საქმეა, კაცმა რომ თქვას. მაგრამ მაინც - სად ჟოზე და სად ჰოკეი?!

1310
მკითხველის კომენტარები / 1 /
***
0
ხალიჩა იყო მაგარი დაგებული. ჰაჰაჰა
მსგავსი ამბები
რუბრიკის სხვა სიახლეები
;