[VIDEO] რა მაგრად ჩაუსვა!.. შინდაგორიძის გოლი, ხარაიშვილის საგოლე პასი...

ლაშა შინდაგორიძემ სოლიგორსკის "შახტიორის" შემადგენლობაში პირველი მატჩი ჩაატარა და დებიუტი გოლით აღნიშნა. ის გროდნოს "ნემანთან" (რომლის ღირსებას იცავს გიორგი ქანთარია, თუმცა გუშინ განაცხადში არ ყოფილა) მატჩის 74-ე წუთზე შევიდა მინდორზე, 87-ე წუთზე კი გოლი გაიტანა და  ანგარიში 5:0 გახადა.

თამაშის მიწურულს "შახტიორის" ფეხბურთელებმა ერთი ბურთიც შეაგდეს და 6:0 მოიგეს. ასე რომ, "საბურთალოს" ყოფილი შემტევის ბელარუსული დებიუტი წარმატებული გამოდგა.

იმედია, შინდაგორიძეს მომავალში მეტი სათამაშო პრაქტიკა ექნება. ამ დროისთვის, "შახტიორი" მესამე ადგილზეა ბელარუსის ჩემპიონატის უმაღლეს ლიგაში და 8 ქულით ჩამორჩება ლიდერ "ბრესტს", თუმცა 2 მატჩით ნაკლები აქვს ჩატარებული.

შვედეთის მთავარ ლიგაში შინ ქულები დაკარგა გიორგი ხარაიშვილის "გიოტებორგმა", რომელმაც ვერ მოახერხა ერთ-ერთი აუტსაიდერის, "ფალკენბერგის" დამარცხება. ეს კი არა, სულაც წაგებას გადაურჩა და ამაში დიდი როლი ითამაშა ქართველმა შემტევმა (მე-6 საგოლე პასი მიმდინარე სეზონში), ვისი კუთხურის შემდეგ, რობინ სოდერმა თავურით გაათანაბრა ანგარიში - 1:1.

19 ტურის შემდეგ "გიოტებორგს" 32 ქულა აქვს, მე-6 ადგილზეა და 9 ქულით ჩამორჩება ლიდერ "იურგორდენს".

პორტუგალიის პრიმეირა ლიგაში გიორგი მაკარიძე "სეტუბალის" კარს იცავდა "ტონდელასთან" საშინაო მატჩში. თამაში 0:0 დასრულდა.

1659
მკითხველის კომენტარები / 0 /
მსგავსი ამბები
რუბრიკის სხვა სიახლეები
;