[VIDEO] სასიამოვნო ამბავი: საქართველო-ბელარუსის მატჩზე ყველა ბილეთი უკვე გაიყიდა!

საქართველოს ფეხბურთის ფედერაციის ვებ-საიტზე საინტერესო პუბლიკაცია გამოქვეყნდა:

"ევრო 2020-ის საკვალიფიკაციო ეტაპის პლეი-ოფის მატჩზე დასასწრები ყველა ბილეთი გაყიდულია. 26 მარტს საქართველო - ბელარუსის შეხვედრის ბილეთების ონლაინ რეალიზაცია 15 თებერვლიდან TKT.ge-ზე მიმდინარეობდა, ფიზიკური გაყიდვა კი, "დინამო არენას" სალაროებში 22 თებერვლიდან დაიწყო.​

გულშემატკივართა საყურადღებოდ: ევრო 2020-ის შესარჩევი ეტაპის საშინაო თამაშების ყველა ბილეთზე მითითებულია კონკრეტული შესასვლელი. გთხოვთ, სტადიონზე მოსახვედრად, გამოიყენოთ ბილეთზე მითითებული კარი.

⚠︎ გთხოვთ გაითვალისწინოთ: სიგარეტის, ელექტრონული სიგარეტისა და თამბაქოს სხვა ნაწარმის მოხმარება საქართველოში არსებულ ყველა სტადიონზე აკრძალულია. დამატებითი ინფორმაციისთვის გაეცანით სტადიონზე ქცევის წესებს.

საქართველოსა და ბელარუსს შორის ევრო 2020-ის საკვალიფიკაციო ეტაპის პლეი-ოფის შეხვედრა თბილისის "დინამო არენაზე" 26 მარტს 21:00 საათზე გაიმართება. მატჩის პირდაპირ რეპორტაჟს საქართველოს პირველი არხი შემოგთავაზებთ."

1662
მკითხველის კომენტარები / 1 /
Milani
0
Chemtvis usiamovno ambavia yidva mindoda
მსგავსი ამბები
რუბრიკის სხვა სიახლეები
;