[VIDEO] საფრანგეთის თასი. რენმა ნეიმარიან პსჟ-ს სასწაული ფინალი შემოუტრიალა

"რენმა" მესამდედ მოიგო საფრანგეთის თასი, ხოლო კიდევ ოთხი ფინალი წააგო. ამასთან, ეს არის ამ გუნდის პირველი ფრანგული ტიტული 1971 წლის შემდეგ. არადა, "სტად დე ფრანსის" ფინალის 21-ე წუთზე ვინმე იფიქრებდა, რომ პსჟ ხელმოცარული დარჩებოდა?

ამ დროისთვის დანი ალვეშისა და ნეიმარის გოლებით თომას ტუხელის გუნდი 2:0-ს იგებდა, მაგრამ... "რენმა" ანგარიშის გათანაბრება შეძლო, თამაში დამატებით დროში გადაიყვანა, ხოლო პენალტების სერიაში დაამარცხა კიდეც მასზე ბევრად მდიდარი მეტოქე - 6:5.

აღსანიშნავია კილიან მბაპეს ამაზრზენი საქციელი 118-ე წუთზე - ახალგაზრდას ნერვებმა უმტყუნა და მეტოქის ფეხბურთელს გამატებით ჩასცხო წიხლი ფეხში ისე, რომ ბურთთან არანაირი კავშირი არ ჰქონია.

არბიტრმა მბაპეს უმალ წითელი ბარათი უჩვენა და მოედნიდან მიაბრძანა. ამის შემდეგ შეცვლაზე შესულმა კრისტოფერ ნკუნკუმ, რომლის მისია იყო, მბაპეს ნაცვლად შეესრულებინა პენალტი, გადამწყვეტ მომენტში 11-მეტრიანის ნიშნულიდან ბურთი... მაყურებლებში გაგზავნა.

1039
მკითხველის კომენტარები / 0 /
მსგავსი ამბები
რუბრიკის სხვა სიახლეები
;