[VIDEO] სერია A. დრამა და ბევრი გოლი ტურინში. როცა კრიშტიანო რონალდოს დუბლიც არ არის საკმარისი...

"იუვენტუსი" შინ ორჯერ უგებდა "პარმას" ორბურთიანი სხვაობით (2:0, 3:1), მაგრამ თამაში 3:3 დასრულდა. უკანასკნელ წუთზე ჟერვინიომ ტურინული პუბლიკა დადუმა. მანამდე კი იყო კრიშტიანო რონალდოს დუბლი, რომელიც "პარმასთან" მოსაგებადაც არ აღმოჩნდა საკმარისი.

"იუვენტუსმა", რომელიც განთქმული იყო თავის დაცვით, ბოლო ორ თამაშში 3-3 გოლი ("ატალანტასთან" რამდენიმე დღის წინ წაგებულ სათასო 0:3-საც ვგულისხმობთ) გაუშვა.

ცხადია, რომ "ბებერ ქალბატონს" რთული პერიოდი უდგას. ამით სარგებლობს "ნაპოლი" და "სამპდორიასთან" იოლი გამარჯვების (3:0) შემდეგ ლიდერთან ჩამორჩენას 9 ქულამდე ამცირებს.

შაბათსვე ითამაშეს "ემპოლიმ" და "კიევომ". მატჩი 2:2 დასრულდა. ლევან მჭედლიძე 83-ე წუთზე ჩაერთეს თამაშში იმ იმედით, რომ ეგებ "ემპოლისთვის" გამარჯვების გამო გაეხსენებინა, მაგრამ ამ საქმიდან არაფერი გამოვიდა.

1121
მკითხველის კომენტარები / 0 /
მსგავსი ამბები
რუბრიკის სხვა სიახლეები
;