[VIDEO] სერია A. იუვენტუსი 2-1 მილანი. როცა იქით კინია, პიონტეკი საკმარისი არ არის

"იუვენტუსმა" თავის ძველ და პრინციპულ მეტოქეს 2:1 მოუგო. ახლა მასიმო ალეგრის გუნდს დარჩენილ 7 მატჩში 4 ქულაღა სჭირდება ჩემპიონობისთვის. ეს, რა თქმა უნდა, ხუმრობით - "იუვე" ისე რა დაწვრილმანდება, ქულების თვლა დაიწყოს, ის ნებისმიერ შემთხვევაში ჩემპიონი გახდება და ეს მხოლოდ დროის ამბავია...

წინა მატჩისგან განსხვავებით, "ბებერი ქალბატონი" ამჯერად ოპტიმალურთან მიახლოებული შემადგენლობით იყო, გათვალისწინებით კრიშტიანო რონალდოს ტრავმისა. დანაკლისი ჰქონდა "მილანსაც" - ასევე ტრავმის გამო არ იყო გუნდის ძირითადი მეკარე ჯანლუიჯი დონარუმა...

სამაგიეროდ, იყო კშიშტოფ პიონტეკი, რომელმაც პირველ ტაიმში დააწინაურა "მილანი", მაგრამ გამოჩნდა, რომ როცა იქით მხარეს არის მოიზეს კინი, პიონტეკი საკმარისი აღარ არის.

19 წლის შემტევმა, რომელიც ამჯერად ძირითად შემადგენლობაში არ იყო, ზედიზედ მე-5 მატჩში გაიტანა, მანამდე კი 11-მეტრიანი გამოიყენა პაოლო დიბალამ.

519
მკითხველის კომენტარები / 0 /
მსგავსი ამბები
რუბრიკის სხვა სიახლეები
;