[VIDEO] სერია A. ორი გაძევება, გაფუჭებული პენალტი... დრამა ნეაპოლში. იუვენტუსი სკუდეტოს არ დათმობს

გამარჯობა, ჩემპიონო! - მართალია, იტალიის ჩემპიონატის დასრულებამდე გვარიანი დროა, მაგრამ "იუვენტუსს" უკვე შეგვიძლია, მივულოცოთ ტიტულის მოპოვება. ალეგრის გუნდმა გასვლაზე 2:1 მოუგო "ნაპოლის" და ყველა კითხვას უპასუხა - დღეიდან კარლო ანჩელოტის გუნდს სკუდეტოზე ოცნებაც კი აკრძალული აქვს...

ანგარიში ჯარიმიდან გახსნა მირალემ პიანიჩმა. ეს ჯარიმა კი მოჰყვა ნეაპოლელთა მეკარე ალექს მერეტის უხეშობას კრიშტიანო რონალდოს წინააღმდეგ, რის გამოც ის მინდვრიდან გააძევეს...

როცა პირველი ტაიმის დასრულებამდე ხუთი წუთით ადრე ემრე ანმა მეორე შეაგდო, ყველაფერი დამთავრებული გვეგონა, თუმცა... მეორე ტაიმის დასაწყისში "იუვენტუსს" პიანიჩი გაუძევეს. ანჩელოტის გუნდმა შმაგად შეუტია, თუმცა მხოლოდ ხოსე კალიეხონის გოლს გამორჩა, რომელიც ლორენცო ინსინიეს დიდებულ პასს მოჰყვა. ნეაპოლური ომი ფრედ უნდა დასრულებულიყო. მეორე ტაიმში "ნაპოლის" ტოტალური უპირატესობა ჰქონდა, თუმცა იმავე ინსინიემ სულ ბოლოსკენ 11 მეტრიდან ძელს გაარტყა ბურთი.

ყოველდღიური სპორტული გაზეთი "ლელო"
880
მკითხველის კომენტარები / 0 /
მსგავსი ამბები
რუბრიკის სხვა სიახლეები
;