[VIDEO] სერია A. 3:0, 3:3 და ბოლოს 4:3. იუვე vs ნაპოლი და კიდევ ერთი სიგიჟე იტალიაში

სერია A შაბათს ორი მატჩით გაგრძელდა. "მილანმა" მოკრძალებული ანგარიშით (1:0) დაამარცხა "ბრეშა", ხოლო ჩემპიონობის მთავარმა პრეტენდენტებმა, "იუვენტუსმა" და "ნაპოლიმ" ტურინში მაგარი შოუ დადგეს.

მასპინძლები 66-ე წუთისთვის 3:0-ს იგებდნენ და თითქოს თავი ქუდში ჰქონდათ, მაგრამ ასე არ ფიქრობდნენ კარლო ანჩელოტი და "ნაპოლი". ზუსტად 8(!) წუთში ანგარიში უკვე 3:3 იყო...

თუმცა ბოლოს მაინც "იუვენტუსს" გაუმართლა - ფლანგური ჩაწოდების შემდეგ "ნაპოლის" ცენტრალურ მცველ კალიდუ კულიბალის ბურთი ფეხზე აეჭრა და საკუთარ კარში გაიტანა - 4:3.

ცნობისთვის - მაურისიო სარი ჯერჯერობით ვერ განიკურნა პნევმონიისგან და "იუვეს" კვლავ მისი ასისტენტო ჯოვანი მარტუშელო მოძღვრავდა.

969
მკითხველის კომენტარები / 0 /
მსგავსი ამბები
რუბრიკის სხვა სიახლეები
;