[VIDEO] ქართული სიტუაცია ესპანეთში: შერმადინმა რომ მოიგოს, შენგელია 1/2 ფინალში გადის

მეტად საინტერესო სიტუაცია შეიქმნა ესპანეთის ჩემპიონატის ფინალურ ეტაპზე. მეოთხე ტურში თორნიკე შენგელიას "ბასკონიამ" "უნიკახა" მინიმალური სხვაობით დაამარცხა და ნახევარფინალს მიუახლოვდა. ამავე დღეს გიორგი შერმადინის "ტენერიფე" "ხუვენტუდს" ეთამაშება. თუ ტენერიფელები მოიგებენ, შენგელია ჯგუფური ეტაპის დასრულებამდე ერთი ტურით ადრე გაინაღდებს ნახევარფინალის საგზურს.

ახლა, რაც შეეხება "ბასკონია"-"ხუვენტუდის" დაპირისპირებას. მასში გამარჯვებული ოვერტაიმში გამოვლინდა. საოცარი სანახავი იყო დამატებითი დროის ბოლო წამები: დასკვნით 60 წამში გუნდებმა სამქულიანები გაცვალეს. "ბასკონიას" გამთანაბრებელი სამიანის შემდეგ ტაბლოზე 86:86 დაფიქსირდა. შეტევა მალაგელებს დარჩათ, რომლებმაც ჯერ სამქულიანი ვერ ჩააგდეს, ფარიდან ასხლეტის შემდეგ კვლავ ბურთს დაეუფლნენ, მაგრამ მეორედაც არაზუსტად...

ბოლო 6 წამში ბურთი შენგელიამ მიიღო, მეტოქის ნახევარზე გადაიტანა და ოქროს პასი გადასცა პოლონარას. მართალია, მან ბურთის ჩაგდება ვერ მოახერხა, მაგრამ მოწინააღმდეგეებს ჯარიმა დასტყუა და სირენამდე 1 წამით ადრე საჯარიმოს ხაზზე დადგა. ორიდან ერთი ჩააგდო და - 87:86 "ბასკონიას" სასარგებლოდ.

თორნიკე შენგელიამ 27 წუთში 9 ქულა, 7 პასი და 4 მოხსნა მოაგროვა. "ბასკონიას" ბომბარდირი 14 ქულით "ვითას" ყოფილი კალათბურთელი პიერია ჰენრი გახდა.

571
მკითხველის კომენტარები / 0 /
მსგავსი ამბები
რუბრიკის სხვა სიახლეები
;