[VIDEO] შმაგი ბოლქვაძის ფინალი კითხვის ნიშნებით. ნაკრების მწვრთნელმა ახსნა, თუ რაში იყო მსაჯის არაობიექტურობა...

მინსკში მიმდინარე II ევროპულ თამაშებზე ჩვენი ფალავანი შმაგი ბოლქვაძე "ბერძენ-რომაელთა" 67 კგ წონით კატეგორიაში რუსეთის წარმომადგენელ ზაურ კაბალოევთან ფინალში 1:3 დამარცხდა და ვერცხლის მედალს დასჯერდა.

გაჩნდა სერიოზული ეჭვები მსაჯის შეცდომასა თუ შეგნებულ მიკერძოებაზე. საინტერესოა საქართველოს ნაკრების მწვრთნელ ბექა როყვას კომენტარი, რომელიც ბრძოლის შემდეგ ჩავწერეთ:

"დასანანი ფინალი წავაგეთ, ამას თუ წაგება ჰქვია!.. არ მიყვარს მსაჯებზე გადაბრალება, მაგრამ დღეს აშკარად დაჩაგრეს ჩვენი სპორტსმენი. დიახ, ეს იყო აშკარა! ბოლქვაძეს არ ეკუთვნოდა გაფრთხილება, რის გამოც ჩააყენეს ჩოქბჯენში და წავაგეთ. დღეს მსაჯებისგან არ გვქონდა ობიექტური მიდგომა... მოგეხსენებათ, 2 მედალი მოვიპოვეთ - თითო ვერცხლი და ბრინჯაო. კვირას კიდევ ორი მედლის მოპოვების შანსია - იაკობ ქაჯაია ფინალშია გასული, ხოლო რევაზ ნადარეიშვილი ბრინჯაოსთვის იბრძოლებს... ვნახოთ, რა იქნება... დიდი მადლობა ჩვენს ყველა გულშემატკივარს".

2552
მკითხველის კომენტარები / 1 /
ილია
0
რუსების მოყვარულებო, თქვენ გეძღვნებათ!
მსგავსი ამბები
რუბრიკის სხვა სიახლეები
;