[VIDEO] სკანდალი რუსეთში! შოკისმომგვრელი კადრები წინასწარი დაკავების საკნიდან... ყოფილი რუსი ფეხბურთელი გაურკვეველ ვითარებაში გარდაიცვალა...

რუსეთში სკანდალია! ყოფილი იქაური ფეხბურთელი ივან ვშივკოვი, რომელიც ქვედა ლიგის კლუბ ჩერნიახოვსკის "პროგრესში" თამაშობდა, პოლიციის ერთ-ერთი განყოფილებიდან მოხვდა საავადმყოფოში, სადაც გარდაიცვალა.

ოჯახს აცნობეს, რომ მათი შვილი, რომელიც წვრილმანი ხულიგნობისთვის იყო დაკავებული, დამწვრობის შედეგად დაიღუპა. ერთ-ერთმა ტელეარხმა გამოაქვეყნა ვიდეო, რომელიც იმავე განყოფილების წინასწარი დაკავების საკნის სათვალთვალო კამერითაა გადაღებული.

ვიდეოზე ჩანს, რომ აწ გარდაცვლილი ვშივკოვი დებოშს აწყობს და თანამოსაკნესთან პირდაპირ კონფლიქტზე მიდის. პოლიციას ის ცალკე საკანში გაჰყავს, სადაც ყოფილი ფეხბურთელი გათბობის სისტემის დაზიანებას ცდილობს...

პოლიციის განმარტებით, ვშივკოვი სწორედ ამ სისტემის დაზიანების შედეგად ცხელი წყლით მიღებული დამწვრობის გამო გადაიყვანეს საავადმყოფოში, სადაც მოგვიანებით გარდაიცვალა.

ოჯახს ამ ვერსიის არ სჯერა, რადგან საავადმყოფო და პოლიცია სხვადასხვა ინფორმაციას ავრცელებენ. ეჭვი აქვთ, რომ ფეხბურთელის გარდაცვალებაში დანაშაული მიუძღვის პოლიციის განყოფილებას. გარდაცვლილი ფეხბურთელის დედამ მედიას განუცხადა, რომ იმ განყოფილების ყველა თანამშრომელი სამსახურიდან დაითხოვეს, რაც პოლიციელთა დანაშაულის ეჭვს ამყარებს...

2218
მკითხველის კომენტარები / 0 /
მსგავსი ამბები
რუბრიკის სხვა სიახლეები
;