[VIDEO] ჩაკვეტაძემ ითამაშა, იბრძოლა, გაატანინა... მაგრამ ცოტა ადრე რომ გამოეყვანათ...

ხანგრძლივი პაუზის შემდეგ გიორგი ჩაკვეტაძე მოედანს დაუბრუნდა. საქართველოს ნაკრების შემტევმა ბოლო 25 წუთი (თავისი კომპენსირებული დროით) ითამაშა ჩემპიონობის პრეტენდენტ "გენკთან" საგარეო დაპირისპირებაში და ნამდვილად არ დატოვა ცუდი შთაბეჭდილება.

ბოლოს და ბოლოს, "გენტმა" ერთადერთი საპასუხო გოლი (ტიმოტი დერიკი) სწორედ მისი უშუალო მეცადინეობით გაიტანა - გიორგიმ მკერდზე ჩამოიღო ბურთი და თავისთვის ამზადებდა დასარტყმელად, მაგრამ იქვე პარტნიორი შენიშნა, თან მიუგორა ბურთი და თან მოხერხებულად ჩამოეცალა გზიდან, დასარტყმელი დერეფანი გაუმზადა...

ასე გახდა ანგარიში 2:1 (და ასეც მორჩა) მასპინძელთა სასარგებლოდ. "გენტმა" მეტი ვეღარ შეძლო. მაგრამ, ჩაკვეტაძე ცოტა ადრე რომ გაემოყვანათ, იქნებ მეტი მოეხერხებინა... მაგრამ "იქნებ" არ ითვლება...

"გენტის" მეორე ქართველი, ჩვენი ნაკრების ფორვარდი გიორგი ქვილითაია განაცხადში იყო, მაგრამ მოედანზე არ გამოჩენილა.

2479
მკითხველის კომენტარები / 0 /
მსგავსი ამბები
რუბრიკის სხვა სიახლეები
;