[VIDEO] ჩემპიონთა ლიგა. ...ასე დაამარცხა პეპმა ზიზუ! ვიდეორეფერი დიბალას წინააღმდეგ

რეალი-მანჩესტერ სიტი  1:2
გოლები: 1:0 ისკო (60), 1:1 გაბრიელ ჟეზუში (78), 1:2 დე ბრუინი (83-პენ)
რეალი (4-3-3): კურტუა - კარვახალი, რამოსი, ვარანი, ფ. მენდი - მოდრიჩი (84. ლუკას ვასკესი), კაზემირო, ვალვერდე - ისკო (84. იოვიჩი), ვინისიუში (75. ბეილი), ბენზემა.
სიტი (4-3-3): ედერსონი - უოლკერი, ოტამენდი, ლაპორტი (33. ფერნანდინიო), ბ. მენდი - გიუნდოგანი, როდრი, დე ბრუინი - ბერნარდო სილვა (73. სტერლინგი), მაჰრეზი, გაბრიელ ჟეზუში.
გაძევება: რამოსი (86. რეალი)

ლიონი-იუვენტუსი  1:0
გოლი: 1:0 ტუსარი (31)
ლიონი (3-5-2): ლოპესი - დენაიერი, მარსელო, მარკალი - დიუბუა (78. ტეტე), ბრუნო, ტუსარი, აუა, კორნე (81. კორნე) - ეკამბი (66. ტერიერი), მ. დემბელე.
იუვენტუსი (4-3-3): შჩესნი - დანილო, ბონუჩი, დე ლიხტი, ალექს სანდრო - ბენტანკური, პიანიჩი (61. რემზი), რაბიო (78. ბერნარდესკი) - კუადრადო (70. იგუაინი), რონალდო, დიბალა. 

ჩემპიონთა ლიგის 1/8 ფინალის, ალბათ, ყველაზე დამაინტრიგებელ შეხვედრაში პეპ გვარდიოლას გაწვრთნილმა "მანჩესტერ სიტიმ" გასვლაზე მოუგო მადრიდის "რეალს". პეპმა ერთხელაც იმარჯვა "ბერნაბეუზე".

თამაშის მეტი წილი თანაბარი იყო, თუმცა ენდშპილი "სიტიმ" უკეთესად ჩაატარა, რაშიც დიდი წვლილი გვარდიოლას მიერ გაკეთებულ შეცვლებს მიუძღვის.

მთავარი მოვლენები მეორე ტაიმში განვითარდა. ჯერ ისკომ შეაგდო ვინისიუშის პასით, მერე კი "ბერნაბეუზე" "სიტის" ზეობის ხანა დადგა. გაბრიელ ჟეზუსმა კევინ დე ბრუინს ზუსტი პასი დაუფასა და თავურით გაიტანა, ხოლო შემდეგ თავად დე ბრუინმა შეაგდო 11 მეტრიდან. არც ის უნდა დავივიწყოთ, რომ "რეალს" სერხიო რამოსი გაუძევეს, თან სრულიად დამსახურებულად!..

"იუვენტუსი" საფრთხეშია. ლუკა ტუსარმა შეირგო ჰოსამ ოარის პასი და "ლიონმა" შინ წააქცია "ბებერი ქალბატონი". "იუვეს" შემტევ პაოლო დიბალას ვიდეორეფერი შემოსწყრა - პენალტი გააუქმა და არც გოლი ჩაუთვალა.

1408
მკითხველის კომენტარები / 0 /
მსგავსი ამბები
რუბრიკის სხვა სიახლეები
;