[VIDEO] ჩემპიონთა ლიგა. შიშველი მეფე და სუპერაიაქსი. რეალი ტახტიდან ჩამოაგდეს

დორტმუნდი-ტოტენჰემი       0:1 (0:3)
გოლი: 0:1 კეინი (49)
დორტმუნდი (4-1-4-1): ბიურკი - ვოლფი (62. ბრუუნ ლარსენი), აკანჯი, ვაიგლი, დიალო - ვიტსელი, სანჩო, როისი (74. დელენი), გიოტცე, გერეირო (62. პულიშიჩი) - პაკო ალკასერი.
ტოტენჰემი (5-3-2): ლორისი - ორიე, ალდერვეირელდი, სანჩესი, ვერტონგენი, დევისი - უინქსი (55. დაიერი), ერიკსენი (83. როუზი), სისოკო - სონი (71. ლამელა), კეინი.

რეალი-აიაქსი    1:4 (2:1)
გოლები: 0:1 ზიეჩი (7), 0:2 ნერესი (18), 0:3 ტადიჩი (62), 1:3 ასენსიო (70), 1:4 შიონე (72)
რეალი (4-3-3): კურტუა - კარვახალი, ნაჩო, ვარანი, რეგილონი - კროოსი, კაზემირო (87. ვალვერდე), მოდრიჩი - ლუკას ვასკესი (29. ბეილი), ვინისიუსი (35. ასენსიო), ბენზემა.
აიაქსი (4-3-3): ონანა - მაზრაუი (80. ველტმანი), დე ლიგტი, ბლინდი, ტალიაფიკო - ვან დე ბეეკი, შიონე (73. დე ვიტი), დე იონგი - ზიეჩი, ნერესი (74. დოლბერგი), ტადიჩი.

მეფე შიშველია - მადრიდის "რეალი" ჩემპიონთა ლიგას გამოეთიშა! ევროპის უპრესტიჟულესი საკლუბო ტურნირი მოქმედი გამარჯვებულის გარეშე დარჩა. "რეალი" ბოლო დროის თამაშების მიხედვით მიდიოდა აქეთკენ, მაგრამ რაც მოხდა, ამის დაჯერება ძნელია - "აიაქსმა" არაამქვეყნიური ფეხბურთი ითამაშა. დუშან ტადიჩი ისე ირჯებოდა, თვალები დაგვაჭყეტინა და ორ საგოლე პასს ერთი გოლიც მიუმატა...

ლასე შიონეს ჯარიმა საფეხბურთო ქრესტომათიაში შესატანი შედევრი გახლდათ. მოკლედ, მოიგო იმ გუნდმა, რომელიც მოგებას უფრო მეტად იმსახურებდა. ამ "აიაქსმა" ლუის ვან გაალის დიდებული გუნდი გაგვახსენა. რეალმა კი დაასრულა ჰეგემონია ევროპულ ფეხბურთში და ახლა ახალი გუნდი უნდა ააშენოს...

ჩემპიონთა ლიგის მეოთხედფინალშია "ტოტენჰემი", რომელმაც მეორე მატჩიც მოუგო ბუნდესლიგის ლიდერს. ეგაა, პირველ ტაიმში "დორტმუნდი" მაგრად მიაწვა მეტოქეს და ლონდონელთა ფრანგ კიპერს, უგო ლორისს, ურთულესი ბურთების მოგერიება მოუხდა. ბოლოს მაინც მაურიციო პოჩეტინოს გუნდმა იმარჯვა - ჰარი კეინმა ორმატჩიან დუელში ლოგიკური წერტილი დასვა.

1358
მკითხველის კომენტარები / 0 /
მსგავსი ამბები
რუბრიკის სხვა სიახლეები
;