[VIDEO] ცინცინატის პირველ წრეში: ბასილაშვილი vs რუბლიოვი

გაირკვა ცინცინატის მასტერსზე პირველ წრეში ქართველი ნიკოლოზ ბასილაშვილის (ATP: 17) მეტოქე და ის კარგად ნაცნობი რუსი ანდრეი რუბლიოვია (ATP: 70), რომელიც ამ ტურნირის ძირითად ბადეში კვალიფიკაციიდან მოხვდა, სადაც ყაზახი მიხაილ კუკუშკინი სამ სეტში 3:6, 6:4, 6:3 დაამარცხა.

რუბლიოვი ბასილაშვილისთვის უცხო მეტოქე არ არის, აქამდე ნიკა რუსს ორჯერ შეხვედრია და ორჯერვე გამარჯვება ქართველს დარჩა, ბოლოს ბასილამ რუსი ამ ცოტა ხნის წინ, ჰამბურგის ტურნირის ფინალში (იხ. ვიდეო), სამ სეტში 7:5, 4:6, 6:3 დაამარცხა. მანამდე კი ისინი ყატარში შეხვდნენ ერთმანეთს, მაშინ ქართველს ორი სეტი (6:3, 6:4) დასჭირდა რუბლიოვის დასამარცხებლად.

ცინცინატში ბასილაშვილისა და რუბლიოვის შეხვედრა 13 აგვისტოს 18:00 საათზეა ჩანიშნული, თუმცა დრო შეიძლება შეიცვალოს.

აქვე გეტყვით, რომ თუ ნიკოლოზმა ეს ბარიერი წარმატებით გადალახა მომდევნო მეტოქე გრიგორ დიმიტროვსა (ATP: 74) და სტან ვავრინკას (ATP: 23) შორის გამარჯვებული იქნება, შემდეგ კი უკვე შორს არც როჯერ ფედერერია (ATP: 3)...

544
მკითხველის კომენტარები / 0 /
მსგავსი ამბები
რუბრიკის სხვა სიახლეები
;