[VIDEO] ძიუდო. ულამაზესი იპონი და ჩხვიმიანი მსოფლიოს ჩემპიონია!!!!

60 კგ წონაში მოასპარეზე ლუხუმ ჩხვიმიანმა უზბეკი ლუფტალიევი იპონზე დაანარცხა და მსოფლიოს ჩემპიონია!!!

ლუფტალიევი ფინალის საჭიდაოდ თავდაჯერებული გამოვიდა და ქართველს გაფრთხილება ნაადრევად მიაღებინა.

ამას მოჰყვა ორივე ძიუდოისტის გაფრთხილება და ჩხვიმიანი რთულ სიტუაციაში აღმოჩნდა - ერთი გაფრთხილებაც და ოქროს მეტოქეს დაუთმობდა.

ამასობაში ლუფტალიევის ილეთი ლუხუმმა დაამთავრა და ერთი ქულით დაწინაურდა. ბოლო წამებზე უზბეკი ძალიან გააქტიურდა, რაც კარგად გამოიყენა ჩხვიმიანმა, იპონზე დააგდო და ევროპის ჩემპიონის ტიტულს მსოფლიოს ჩემპიონობა მიამატა.

1/2 ფინალში კი, ქართველმა ძიუდოისტმა იაპონელი ნაგაიამა დაამარცხა.

ჩვენიანმა ნახევარფინალური შეხვედრა აგრესიულად დაიწყო, მასპინძელს ცხვირიდან სისხლდენის შესაჩერებლად ბამბაც დასჭირდა. ნაგაიამა კი ცდილობდა ილეთის განხორციელებას, მაგრამ ვერც ერთი ვერ დაამთავრა. ლუხუმი კი თავის შანსს ელოდა. ასე მიილია ძირითადი დრო.

დაამტებითში იაპონელმა ბოლოსდაბოლოს განახორციელა კარგი ილეთი, მაგრამ ლუხუმი ტატამს თავით დაეყრდნო, არც მხრით შეხებია, არც ზურგით და ჰაერიდან თავად გადაატრიალა მეტოზე ვაზარზე.

5930
მკითხველის კომენტარები / 0 /
მსგავსი ამბები
რუბრიკის სხვა სიახლეები
;