[VIDEO] წასასვლელად გამზადებული ბეილი რეალს არსენალთან გოლით დაეხმარა, ბაიერნმა მილანი დაამარცხა

ამერიკაში თავმოყრილმა ევრონულმა გრანდებმა საერთაშორისო ჩემპიონთა თასზე მორიგი მატჩები ჩაატარეს. "რეალი" ალექსანდრ ლაკაზეტისა (პენალტი) და პიერ-ემერიკ ობამეიანგის გოლებით 0:2-ს აგებდა "არსენალთან", მაგრამ ჯერ წასასვლელად გამზადებულმა გარეთ ბეილმა შეამცირა სხვაობა, მერე კი მარკო ასენსიომ გაათანაბრა ანგარიში - 2:2.

მართალია, მატჩისშემდგომ 11-მეტრიანების სერიაში ბეილმა პენალტი ვერ გაიტანა, მაგრამ უფრო მეტი (3) პენალტი ლონდონელებმა გააფუჭეს და ტურნირში პირველად დამარცხდნენ.

კანზასში "ბაიერნმა" 1:0 მოუგო "მილანს". გამარჯვების გოლი პირველი ტაიმის მიწურულს ლეონ გორეტცკამ გაიტანა. ეს "რეკორდმაისტერის" ზედიზედ მეორე გამარჯვებაა საერთაშორისო ჩემპიონთა თასზე - რამდენიმე დღის წინ ნიკო კოვაჩის შეგირდებმა 3:1 მოუგეს "რეალს".

275
მკითხველის კომენტარები / 0 /
მსგავსი ამბები
რუბრიკის სხვა სიახლეები
;