VIDEO ჰაილაითები 'გოლდენ სტეიტი' 'ტორონტოს' მეორე ფინალური მატჩიდან

NBA-ის ფინალურ სერიაში "გოლდენ სტეიტმა" საკუთარი მოედნის უპირატესობა მოიპოვა. ეს მას შემდეგ მოხდა, რაც მორიგ ურთულეს მატჩში ჩემპიონებმა სტუმრად ტორონტოში მოახერხეს ფინალის მეორე მატჩის მოგება.

"გოლდენ სტეიტს" ისევ არ ჰყავდა კევინ დურანტი, რომელმაც ზედიზედ მეშვიდე მატჩი გამოტოვა. გუნდმა მეოთხე მეოთხედის შუაში ტრავმის გამო დაკარგა კლეი ტომპსონი, სტეფ კარიმ კი მატჩში პირველი ექვსი ტყორცნა ააცილა, ხოლო მეოთხე მეოთხედში ქულის აღება ვერ შეძლო. მიუხედავად ამდენი სირთულისა, ჩემპიონმა მაინც მოიგო და ეს, ძირითადად, იმის წყალობით მოხდა, რომ სტუმრებმა მესამე მეოთხედი 18:0 (!) გაქცევით დაიწყეს და 13-ქულიანი უპირატესობა მოიპოვეს.

ამის შემდეგ, "ტორონტომ" რამდენჯერმე შეძლო მეტოქესთან მიახლოება, მაგალითად, სირენამდე 25 წამით ადრე, როცა კანადურმა კლუბმა 10:0 გაქცევის შემდეგ, სხვაობა ორ ქულამდე შეამცირა, მაგრამ 5.9 წამით ადრე ანდრე იგუოდალას სამქულიანმა თამაშის ბედი გადაწყვიტა.

"გოლდენ სტეიტს" სულზე მიუსწრო დემარკუს კაზინსის კარგმა თამაშმა - ვეტერანი ცენტრი სასტარტოში დააბრუნეს და მან 11 ქულით, 10 მოხსნითა და ექვსი პასით შეძლო თავისი გუნდის დახმარება. დრეიმონდ გრინს კი ერთი პასი არ ეყო ზედიზედ მეოთხე სამმაგ დუბლამდე.



ტორონტო-გ. სტეიტი 104:109
27:26, 32:28, 21:34, 24:21
ტ: ლეონარდი (34+14 მოხსნა), ლაური (13), სიაკამი (12+8 მოხსნა+5 პასი), დენი გრინი (8), მ. გასოლი (6+6 მოხსნა) - სასტარტო; ვანვლიტი (17), იბაკა (7+10 მოხსნა), პაუელი (7).
გ-ს: ტომპსონი (25+5 პასი), კარი (23), დრეიმონდ გრინი (17+10 მოხსნა+9 პასი), კაზინსი (11+10 მოხსნა+6 პასი), იგუოდალა (8+8 მოხსნა+6 პასი) - სასტარტო; კუკი (9), ლივინგსტონი (6), ბოგუტი (6), მაკინი (2), ჟერებკო (6).
სერია: 1-1

2084
მკითხველის კომენტარები / 1 /
გოგა
0
კაზინსის ასაკი იცით? ვეტერანი როდის გახდა..
მსგავსი ამბები
რუბრიკის სხვა სიახლეები
;