[VIDEO] ესეც მესის 50!!! ცხოვრების განმავლობაში გარანტირებული გაქვთ სიკვდილი, გადასახადები და... ლეოს ჯარიმები!

"ბარსელონამ" შუა კვირის ტურში 5:1 მოუგო "ვალიადოლიდს", პირველ ადგილზე მოკალათდა და, დიდი ალბათობით, ამ პოზიციას მინიმუმ მომდევნო უქმეებამდე არ დათმობს. 

მატჩი იქცა ლიონელ მესის მორიგ ბენეფისად. ჯერ ერთი, რომ დუბლი და 2 საგოლე პასი მიითვალა; პირდაპირი დარტყმით გაიტანა 50-ე ჯარიმა პროფესიულ კარიერაში (44 "ბარსელონაში", 6 - არგენტინის ნაკრებში); მე-100 (და 101-ე) გოლები გაიტანა ერნესტო ვალვერდეს მწვრთნელობის პერიოდში. ცნობისთვის, აქ მეორე მაჩვენებელი ლუის სუარესს აქვს - 63 გოლი.

სხვათა შორის, "ვალიდოლიდის" კარში გატანილი გოლი ნიშნავდა იმას, რომ სუარესმა, "ბარსელონაში" ყოფნის პერიოდში, ლა ლიგის ყველა გუნდს გაუტანა მინიმუმ ერთი გოლი მაინც (27), სულ - 137.

დავუბრუნდეთ მესის და ერთი საინტერესო ფრაზა, რაც მის გუშინდელ საფირო საჯარიმო დარტყმაზე ითქვა - "ცხოვრების განმავლობაში ადამიანი ვერ ასცდება ორ რამეს - სიკვდილს, გადასახედებსა და... მესის მიერ გატანილ ჯარიმებს"!

ფრაზა "სიკვდილსა და გადასახადებზე" ძალიან ძველია, ბევრმა ცნობილმა ადამიანმა თქვა და ბევრმაც გაიმეორა, მაგრამ "მესის ჯარიმები" ნამდვილად უნიკალური მიგნებაა!..

566
მკითხველის კომენტარები / 1 /
dima
0
მაგ გამოთქმაში ,,ადამიანი,, კი არა,,,მეკარე,, უნდა იყოს,თორემ 100%-ით ავცდები მესის გატანილ ჯარიმას....)))
მსგავსი ამბები
რუბრიკის სხვა სიახლეები
;