[VIDEO] 4:2! რა თამაში შემოვუტრიალეთ უნგრეთს! საქართველომ ელიტრაუნდისკენ დიდი ნაბიჯი გადადგა

უნგრეთი-საქართველო  2:4
0:1 კვარაცხელია (11), ტოტ-გაბორი (27), 2:1 შკრიბეკი (49-პენ), 2:2 გულიაშვილი (62), 2:3 მოისწრაფიშვილი (65), 2:4 მექვაბიშვილი (82)
უნგრეთი (4-2-3-1): ასვანი - ჰუჟტი, ჟუკსი, ბენედეკი, კალმარი - ჰიდი (82. ნიარი), კოჩიში (46. კორმენდი) - ბუტკა, სჟაბო (46. რადიჩი), სკრიბეკი - ტოტ-გაბორი (68. ბეკე)
საქართველო (4-4-2): კუტალაძე - კაპანაძე (86. ჭავჭანიძე), გელაშვილი, ჯანგიძე, კალანდაძე - დავითაშვილი (86. ნონიკაშვილი), მექვაბიშვილი, მესიაჩენკო (60. იაკობიძე), აზაროვი - გულიაშვილი, კვარაცხელია (32. მოისწრაფიშვილი)
გაფრთხილება: კალმარი, ნიარი - კაპანაძე, გულიაშვილი, კუტალაძე
გაძევება: კალმარი (42)

საქართველოს 19-წლამდელთა ნაკრებმა ევროპის ჩემპიონატის ელიტრაუნდისკენ დიდი ნაბიჯი გადადგა. რამაზ სვანაძის გუნდმა მასპინძელ უნგრეთს 4:2 მოუგო.

საქართველოს ნაკრები ხვიჩა კვარაცხელიას ულამაზესი გოლით დაწინაურდა, ვინც საჯარიმო დარტყმა დიდებულად შეასრულა და "ცხრიანში" შეაგდო. უნგრელებმა გაგვითანაბრეს, თუმცა ჩვენთვის უფრო სამწუხარო იყო კვარაცხელიას ტრავმა - ქართველთა ლიდერი დაშავდა და შესაცვლელი შეიქნა.

ტაიმის ბოლომდე უნგრელმა კალმარმა მეორე ყვითელი ბარათი მიიღო და მასპინძლები კაცნაკლული დატოვა. უნგრელებმა ეს არად ჩააგდეს და 11-მეტრიანით დაწინაურდნენ, თუმცა ამის შემდეგ გოლები მხოლოდ ქართველებს გაჰქონდათ.

ჯერ გიორგი გულიაშვილმა შეაგდო თავით, ამას კი გიორგი მოისწრაფიშვილისა და ანზორ მექვაბიშვილის გოლები მოჰყვა. საბოლოოდ ჩვენებმა მეტად მნიშვნელოვანი გამარჯვება მოიპოვეს.

მომდევნო მატჩს სვანაძის გუნდი 12 ოქტომბერს ჩაატარებს ყაზახეთთან, რომელიც პირველ ტურში ხორვატებთან 0:3 დამარცხდა.

5345
მკითხველის კომენტარები / 0 /
მსგავსი ამბები
რუბრიკის სხვა სიახლეები
;