[VIDEO] NBA-ს ლეგენდა ნოვიცკიმ თბილისში, ფაჩულიასთან ერთად ტორტი გაჭრა და ქართულ გულზე ილაპარაკა

საქართველოს NBA-ს ლეგენდა დირკ ნოვიცკი სტუმრობს. იგი ფაჩულიას მოწვევით ჩვენს ქვეყანაში ოჯახთან ერთად დასასვენებლად ჩამოვიდა.

3 აგვისტოს კი ზაზა ფაჩულიას აკადემიას ესტუმრა და ბავშვებს საკუთარი კარიერა კარიერის რამდენიმე საინტერესო დეტალი დეტალებში მოუთხრო. მათ შეკითხვებზეც უპასუხა და ვიდრე საქმე ავტოგრაფებამდე მივიდოდა, უზარმაზარი ტორტი გაჭრა. ტორტს ზედ დირკი და ზაზა ეხატა.

ბოლოს ჟურნალისტებისთვისაც მოიცალა და, ვიდეოში შეგიძლიათ, ინგლისურ ენაზე მოისმინოთ, რა თქვა მან საქართველოზე, ქვემოთ კი თარგმანს გთავახობთ:

- რამდენიმე დღეა, საქართველოში ვარ. ზაზა დიდებული მასპინძელია, ქართველი ხალხიც ძალიან თბილი და კეთილმოსურნეა, დიდი გული აქვს. 

- ამერიკაში ზაზა ფაჩულია ბევრს მიამბობდა თავის სამშობლოზე, ჩემთვის კიდევ უფრო საინტერესოა საქართველოს კულტურასთან უშუალო შეხება, მისი გაცნობა. მაქვს კიდევ რამდენიმე დღე, რომ კიდევ მეტი რამ გავიგო საქართველოზე. 

- ზაზა ძალიან ბევრს აკეთებს თავისი ქვეყნისთვის, მას ბევრი პროექტი აქვს, რომლებზეც ხშირად მიზიარებს საკუთარ მოსაზრებას. ძალიან ეხმარება ბავშვებს. დიდი გული აქვს.

- მადლობა თქვენ, ყველა ქართველს ჩემი თბილად მიღებისთვის. 

12599
მკითხველის კომენტარები / 0 /
მსგავსი ამბები
რუბრიკის სხვა სიახლეები
;