[VIDEO+PHOTO] ძალოსნობაში ევროპის ჩემპიონატის გახსნა. ბათუმი 2019

(geowf.ge) - ბათუმის სპორტის სასახლეში ყველაზე მძიმე, რაც აქამდე აუწევიათ ან გადაუადგილებიათ, ეტლი, კუ თუ პაიკი იყო. ეს მოხდა შარშან, როდესაც აქ 43-ე საჭადრაკო ოლიმპიადას უმასპინძლეს, დღეიდან კი აქ, ევროპის უძლიერესი ძალოსნები რვა დღის განმავლობაში ათეულობით ტონას აიტაცებენ, აკრავენ და წონებს ორჭიდში შეაჯამებენ.

მედლების პირველი კომპლექტის გათამაშებამდე ბათუმის ფიცარნაგზე ევროპის ჩემპიონატის გახსნის მოკლე ცერემონია შედგა - მისასალმებელი სიტყვებით, მონაწილე ქვეყანათა დროშების აღლუმით და ქართული ფოლკლორით.

ევროპის ჩემპიონატის მონაწილეებს მიესალმნენ საქართველოს პრეზიდენტი სალომე ზურაბიშვილი, აჭარის ავტონომიური რესპუბლიკის მთავრობის თავმჯდომარე თორნიკე რიჟვაძე, საქართველოს განათლების, მეცნიერების, კულტურისა და სპორტის მინისტრის პირველი მოადგილე მიხეილ გიორგაძე, საქართველოს ძალოსნობის ფედერაციის პრეზიდენტი კახი კახიაშვილი და ევროპის ძალოსნობის ფედერაციის პრეზიდენტი ანტონიო ურსო.

კახი კახიაშვილმა ძალოსნობის ევროპის ფედერაციას ჩემპიონატის ბათუმში ჩატარების უფლების მონიჭებისთვის მადლობა გადაუხადა და აღნიშნა, რომ საქართველო იმკვიდრებს სპორტული ქვეყნის სტატუს.

დასასრულს კახი კახიაშვილმა ანტონიო ურსოს ორგანიზაციის 50 წლის იუბილესთვის საგანგებოდ დამზადებული ჯილდო გადასცა.

http://www.geowf.ge/ka/news/view/111

587
მკითხველის კომენტარები / 0 /
მსგავსი ამბები
რუბრიკის სხვა სიახლეები
;