[VIDEO] TOP5. ბარსას მორიგი შოუ და ისევ... მესის გარეშე, ინტერი 100-პროცენტიანია

"ბარსელონამ" ზედიზედ მეორე საშინაო მატჩი მოიგო ერთი და იმავე ანგარიშით - 5:2. კატალონიური გრანდის შეტევა კვლავად ძლევამოსილია და თქვენ წარმოიდგინეთ, ლიონელს მესის გარეშეც კი.

მაგრამ რაც შეეხება დაცვას, აქ ერნესტო ვალვერდეს გვარიანი თავსატეხი აქვს - ზედიზედ 3 მატჩში 2-2 გოლის გაშვება "ბარსელონას" დონისა და ამბიციების გუნდისთვის მეტისმეტია.

...არ იყო მესი, მაგრამ დაბრუნდა ლუის სუარესი და ეს დუბლითაც აღნიშნა. 5-დან ერთი გოლიც ვერ შეაგდო ანტუან გრიზმანმა. სამაგიეროდ, კარგად მოერგო გუნდს 16 წლის ანსუმანე ფატი, რომელმაც ზედიზედ მეორე მატჩში შეაგდო...

"ბარსელონაში" საგოლე ანგარიში გახსნა (პლუს საგოლე პასიც) ფრენკი დე იონგმა... მოკლედ,ასეთი დებიუტი გამოუვიდა "ბარსელონას" ყოფილ (1995-99) მოთამაშე ალბერტ სელადესს "ვალენსიას" მთავარი მწვრთნელის პოსტზე.

სერია A-ში ბოლო წლებისთვის უჩვეულო დაბალშედეგიანი მატჩები იყო - სამ მატჩში სულ 3 გოლი. შაბათი დააგვირგვინა "ინტერისა" და "უდინეზეს" მატჩმა, რომელიც მილანური გრანდის გამარჯვებით 1:0 (სტეფანო სენსი, 44') დასრულდა.

ანტონიო კონტეს გუნდმა ნამდვილად ვერ ითამაშა თვალის მომჭრელად, მაგრამ 3 ქულა კი აიღო, კვლავ უდანაკარგოდაა და ლიდერობს კიდეც სერია A-ს. "ინტერს" ორშაბათს საღამომდე აქვს გარანტირებული სათავეში მარტო ყოფნა, სანამ "ტორინოსა" და "ლეჩეს" მატჩი არ დასრულდება. საქმე ისაა, რომ ვალტერ მაძარის "ტორინოსაც", ამ მომენტისთვის, 100-პროცენტიანი შედეგი აქვს.

1393
მკითხველის კომენტარები / 0 /
მსგავსი ამბები
რუბრიკის სხვა სიახლეები
;