[VIDEO] TOP5. მესიმ ახალ მწვრთნელს დებიუტი გადაურჩინა, იუვენტუსის 3 ქულა რონალდოსგან...

"კამპ ნოუზე" კიკე სეტიენის დებიუტს ყველა ელოდა - "ბარსელონამ" საბოლოოდ კი მოიგო, ხოლო ლეო მესიმ შესანიშნავი კომბინაციის შემდეგ გაიტანა, რითაც სეტიენს დებიუტი გადაურჩინა. ისე, "ბარსამ" ნამდვილად ვერ დატოვა საკადრისი შთაბეჭდილება.

და კიდევ ერთი ფაქტი ამ მატჩიდან: პოპულარულმა სტატისტიკურმა ჯგუფმა OPTA-მ დათვალა, რომ მას მერე, რაც ეს ჯგუფი ამ სტატისტიკას აწარმოებს, "ბარსელონა" გახდა პირველი გუნდი ლა ლიგაში, რომელმაც პირველ ტაიმში 500 პასი გააკეთა, თუმცა გოლი ვერ გაიტანა.

სერია A-ს კვირის ბოლო მატჩში "იუვენტუსმა" მაინც მოუგრიხა კისერი კერკეტ "პარმას" და ეს კრიშტიანო რონალდოს (დუბლი) დამსახურებით მოხდა. ახლა ის ყველაზე ახლოსაა (16 გოლი) ბომბარდირთა დავაში წინ გაჭრილ იმობილესთან (23).

საინტერესოა, კრიშტიანო განსაკუთრებით კარგია მას მერე, რაც მაურიციო სარიმ ორჯერ სკამზე დასვა და ამის გამო კონფლიქტიც მოუვიდა "იუვეს" უპირველეს ვარსკვლავთან. ამით მწვრთნელმა მიანიშნა, რომ რონალდოს თავი შეუცვლელი არ უნდა ეგონოს. რა თქმა უნდა, ამან ზუსტად ის ეფექტი გამოიღო, რაც სარის ჰქონდა ჩაფიქრებული...

919
მკითხველის კომენტარები / 0 /
მსგავსი ამბები
რუბრიკის სხვა სიახლეები
;