[VIDEO] TOP5. მესის და ბარსას მორიგი შოუ! რონალდოს გააქვს, მაგრამ იუვე ლაციოსთან უძლურია

ამ სეზონში "ბარსამ" მე-3 თამაში მოიგო შინ ანგარიშით 5:2. კატალონიური გრანდის მსხვერპლი ამჯერად "მალიორკა" აღმოჩნდა. ჰეთ-თრიკი შეასრულა ლიონელ მესიმ, რომელმაც "კამპ ნოუს" მე-6 "ოქროს ბურთი" წარუდგინა. თითო გოლიც ანტუან გრიზმანმა და ლუის სუარესმა გაიტანეს.

ამრიგად, ლა ლიგაში ორხელისუფლებიანობა რჩება - "ბარსელონა" და "რეალი" 34-34 ქულით ლიდერობენ. სამაგიეროდ, ბომბარდირებში ერთპიროვნული ლიდერი ვეღარ არის ქარიმ ბენზემა (11 გოლი), რომელმაც შაბათს კი გაიტანა, მაგრამ მესი სამმა გოლმა დააწინაურა - 12. 

იტალიაში ჩემპიონობისთვის ბრძოლას "ლაციოც" აპიერებს. სიმონე ინძაგის გუნდმა შანსი არ დაუტოვა "იუვენტუსს" - 3:1. თან "ლაციალემ" 11-მეტრიანიც ვერ შეაგდო (ჩირო იმობილე). ასე რომ, მარტო კრიშტიანო რონალდოს გოლი მოსაგებად არ კმარა...

ფაქტია, "იუვენტუსში" სირთულეებია და ეს მარცხი კიდევ უფრო გაზრდის მაურიციო სარით უკმაყოფილოთა რიცხვს, მათ შორის, "იუვეს" მმართველობით იერარქიაში.

1032
მკითხველის კომენტარები / 0 /
მსგავსი ამბები
რუბრიკის სხვა სიახლეები
;