voetbalkrant.com: ჩაკვეტაძე კარგი იყო... ძალიან!

„გენტმა“ „ეუპენი“ გასვლაზე 3:2 დაამარცხა. გიორგი ჩაკვეტაძისა და გიორგი ქვილითაიას გუნდის ეს გამარჯვება იმითაა დასაფასებელი, რომ მეტოქეს კაცნაკლულმა მოუგო, თანაც - დაძაბული ბრძოლის ბოლო წამებზე, დამატებულ დროში გატანილი გოლით.

ჩაკვეტაძემ მატჩი ძირითად შემადგენლობაში დაიწყო და 74-ე წუთზე შეცვალეს. გადამწყვეტი გოლები კი მისმა თანაგუნდელებმა 85-ე და 92-ე წუთებზე გაიტანეს.

ამის მიუხედავად, გამოცემა voetbalkrant.com-მა ბელგიის პირველი დივიზიონის მე-4 ტურის სიმბოლურ ნაკრებში „გენტიდან“ მხოლოდ ქართველი ფეხბურთელი დაასახელა.

„გასვლით შეხვედრაში „გენტი“ „ეუპენთან“ ნემსის ყუნწში გაძვრა და მაინც მოიგო. ჩაკვეტაძემ ეს მატჩი ძალიან კარგად ჩაატარა“, - წერს voetbalkrant.com, რომელმაც 18 წლის შემტევ ნახევარმცველს სიმბოლურ ნაკრებში ადგილი მარცხენა ნახევარმცველის პოზიციაზე მიუჩინა.

„გენტი“ 4 ტურში დაგროვებული 7 ქულით ბელგიის პირველ დივიზიონში, ჯერჯერობით, მე-7 ადგილზე იმყოფება. შეგახსენებთ, რომ ამ ზაფხულს გუნდში საქართველოს ნაკრების თავდამსხმელი გიორგი ქვილითაია ჩაირიცხა, რომელიც ტრავმისგან უკვე განიკურნა, გუნდთან ერთად ვარჯიშობს და იმედია, მოედანს უახლოეს პერიოდში დაუბრუნდება.

2975
მკითხველის კომენტარები / 0 /
მსგავსი ამბები
რუბრიკის სხვა სიახლეები
;