World Rugby Awards: გელა აფრასიძე მხოლოდ ნომინანტია

ფოტოზე: ბოდენ ბარეტი და პორტია ვუდმენი
მონაკოში გაიმართა "მსოფლიო რაგბის" წლის შემაჯამებელი დაჯილდოება. საქართველოს ნაკრების ცხრა ნომერი გელა აფრასიძე ერთ-ერთ ნომინაციაში იყო დასახელებული. ის წლის საუკეთესო ლელოს ავტორობისთვის იბრძოდა.

სამწუხაროდ, გამოკითხვის შედეგად არგენტინელმა ხოაკიმ ტუკულეტმა გაიმარჯვა.

წლის საუკეთესო მორაგბედ ზედიზედ მეორედ დაასახელეს ახალზელანდიელი მგეზავი ბოდენ ბარეტი. ქალთა შორის საუკეთესოს ტიტულიც ახალზელანდიელს, პორტია ვუდმენს ერგო.

საუკეთესო გუნდი ახალი ზელანდიის ქალთა ნაკრებია. საუკეთესო მწვრთნელი კი, ინგლისის ნაკრების თავკაცი ედი ჯონსი გახდა.

საუკეთესო მორაგბე: ბოდენ ბარეტი (ახ. ზელანდია)
საუკეთესო მორაგბე ქალი: პორტია ვუდმენი (ახ.ზელანდია)
საუკეთესო გუნდი: ახალი ზელანდიის ქალთა ნაკრები
საუკეთესო მწვრთნელი: ედი ჯონსი (ინგლისი)
წლის აღმოჩენა: რეიკო იოანი (ახ. ზელანდია)
საუკეთესო მეშვიდკაცე: პერი ბეკერი (აშშ)
საუკეთესო მეშვიდკაცე ქალი: მიკაელა ბლაიდი (ახ. ზელანდია)
საუკეთესო მსაჯი: ჯოი ნევლი (ირლანდია)
წლის საუკეთესო ლელო: ხოაკიმ ტუკულეტი (არგენტინა).

ყოველდღიური სპორტული გაზეთი "ლელო"
2067
მკითხველის კომენტარები / 0 /
მსგავსი ამბები
რუბრიკის სხვა სიახლეები
;