ავტორის გვერდი
ვაჟა დანელია

დავბადებულვარ 1952 წლის 29 აპრილს. 41 წელიწადია, სპორტულ მედიასთან ვთანამშრომლობ.

ამ სფეროში ჩემი საქმიანობა დაიწყო 1976 წელს გაზეთ „ლელოთი“. ვიყავი ჟურნალ „საქართველოს ტელეკომუნიკაციის“ პასუხისმგებელი რედაქტორი, გაზეთ „დილის გაზეთის“ სპორტის განყოფილების რედაქტორი, გაზეთ „საქართველოს რესპუბლიკის“ სპორტის განყოფილების თანამშრომელი, ჟურნალ „საჭადრაკო სამყაროს“ რედაქტორი.

სპორტის თემაზე გამოვაქვეყნე 14 წიგნი, სამი მათგანი საქართველოს ეროვნული ოლიმპიური კომიტეტის პრემიით აღინიშნა;

ვარ ღირსების ორდენოსანი, სეოკ-ის ვერსიით 2002 წლის საუკეთესო სპორტული ჟურნალისტი, 2004 წელს ჟურნალისტად მიმავლინეს ათენის ოლიმპიურ თამაშებზე, დამაჯილდოვეს სერგეი მესხისა და ნოდარ გუგუშვილის სახელობის პრემიებით.

მონიჭებული მაქვს საქართველოს დამსახურებული ჟურნალისტისა და საქართველოს სპორტის დამსახურებული მოღვაწის წოდებები.

2008 წლიდან ვმუშაობ გაზეთ „ლელოში“ კორესპონდენტად. ვწერ სპორტის ყველა სახეობაზე, ფეხბურთისა და რაგბის გარდა.